Britaniyada istiqomat qiluvchi Melani Llevelin uch yildan ko‘proq vaqt boshini yuvmagan. “Korrespondent.net”ning yozishicha, qizning har gal sochlarini yuvgandan keyin tarashga qiynalgani bunga sabab bo‘lgan.
Sochlarini tartibga keltirish uchun ko‘p vaqt, kuch va pul sarflaganini ta’kidlagan Melani, hatto yordam uchun professionallarga murojaat qilganini bildirgan.
Llevinning hisob-kitobiga ko‘ra, u sochi uchun oyiga 240 funt sterling (330 dollar) umumiy olganda esa 3000 funt sterlingdan (4130 dollar) ko‘proq mablag‘ sarflagan.
U xarid qilgan fen, tekkislagich, zardob va shampunlar uning sochlariga zarar yetkazgan. Biroz vaqtdan keyin eksperiment qilib ko‘rishga qaror qilgan Llevelin, sochini parvarishlaydigan gigiyenik muolajalarni amalga oshirmay qo‘ygan.
Avvaliga o‘zini g‘alati his qilgan qiz, bir haftadan keyin ijobiy natijaga guvoh bo‘lgan. Shaxsiy tajribasidan kelib chiqib Melani sochlar o‘zini-o‘zi tiklashi va yangilanishi mumkinligi, shu sabab ham yuvishga hojat yo‘qligini bildirgan. Shunga qaramay, qiz sartaroshlarga yuvilmagan sochlarini maxsus yangilovchi turmak qildirish uchun murojaat qilib turgan.
Karantin va Britaniyadagi lokdaun esa qizni uy sharoitida sochlarini yuvishga majbur qilgan. Bunga sartaroshxonalarning yopiq ekani hamda maxsus vositalar bilan ishlov beradigan professionallarga murojaat qila olmagani sabab bo‘lgan.
Izoh (0)