D витаминининг етишмаслиги гипертония ва иккинчи турдаги қандли диабетнинг келиб чиқиш хавфини 2,5 фоизга кўпайтириш билан бирга, яна бир қанча салбий оқибатларга ҳам олиб келиши мумкин. Организмдаги айрим симптомлар ушбу муҳим витаминнинг етишмаслигидан дарак беради. Уларга вақтида эътибор бериш ва шифокорга учраш орқали эса саломатлик билан боғлиқ жиддий ўзгаришларнинг олдини олишга муваффақ бўлиш мумкин.
Фото: Freepik
Одатдагидан кўпроқ терлаш
Тер ажралишининг кўпайиши яққол симптомлардан бири ҳисобланади. Агар ортиқча жисмоний ҳаракат қилмаганингизда, одатий ҳолда ҳам терлайверадиган бўлсангиз, зудлик билан шифокорга мурожаат қилинг.
Ҳолсизлик ва бўшашиш
Етарли даражада тиниқиб ухлаган тақдирда ҳам чарчаш ва лоҳасликнинг мунтазам равишда кузатилиши, D витамини етишмаётганидан дарак беради. Кучсизланиш ҳам ушбу муаммо билан боғлиқ аломатлардан. Мазкур витамин етишмаганда мушаклар бўшаши ва кучсизланиши кузатилади.
Депрессия
Айниқса, мавсумий депрессия витамин етишмаслиги билан боғлиқ бўлиши мумкин. Олимлар D витаминининг етишмаслиги серотонин ва дофамин гормонларининг ажралишига таъсир қилади деб ҳисоблайди.
Оёқда оғриқ
Оёқларда тўсатдан оғриқ пайдо бўлиши ҳам организмда D витамин етишмаётганидан дарак беради. Агар оғриқ сабабсиз бир неча ҳафта давом этадиган бўлса, мутахассисга мурожаат қилинг.
D витаминини қандай қабул қилиш керак?
Юқоридаги симптомларнинг ўзи билан чекланмасдан, витамин етишиши ёки етишмаслигини аниқ билиш учун қон таҳлили топшириб кўриш керак. Кейин қуёшдан ҳимояловчи кремдан фойдаланишни канда қилмаслик, рационга балиқ, тухум, пишлоқ, қўзиқорин, шунингдек, сут, бўтқа ҳамда йогуртни киритиш лозим. Қолаверса, D витамини танқислигини қоплаш учун поливитаминлар қабул қилишни ҳам унутманг. Қуёшда сайр қилиш ҳам бу борада яхши самара беради.
