Бугун,

  • USD 11095.31
  • RUB 173.84
  • EUR 10772.44

British Airways авиакомпанияси Лондондаги штаб-квартирасини сотиб юбориш имкониятларини ўрганиб чиқмоқда. Бунга компания ходимларининг кўп қисми масофадан ишлашга ўтгани сабаб бўлмоқда, энди авиаташувчига офиснинг катта қисми керакмас бўлиб қолди. Бу ҳақда Bloomberg ходимлар ишлари бўйича директор Стюарт Кеннедининг сўзларига асосланган ҳолда хабар тарқатган.

Фото: Bloomberg

Фото: Bloomberg

Офис сотуви пандемия туфайли жиддий зарар кўрган компаниянинг молиявий аҳволини яхшилаши мумкин. Waterside биноси 1998 йилда қурилган ва тахминан 200 миллион фунт стерлингга баҳоланган. Айни вақтда авиакомпания бинонинг тахминий нархини аниқлаш мақсадида кўчмас мулк соҳасидаги тегишли мутахассисларни ёллаган.

Кеннедининг айтишича, British Airways масофадан туриб ишловчилар ҳамда офисдан бевосита хизмат кўрсатувчиларнинг мазкур масала юзасидан фикр-мулоҳазаларини ўрганмоқчи.

Авиакомпания пандемия даврида қийинчиликларни енгиб ўтиш учун эски самолётларини эксплуатациядан олган, шунингдек, минглаб ишчи ўринларини қисқартирганди. British Airways вакили компаниянинг бизнес йўналишларини ўзгартиргани ва инқироздан чиқишга интилаётганини, шунингдек, бундай катта офис биносидан фойдаланиш заруриятининг қанчалик мақсадга мувофиқлигини ҳам таҳлил этади.

Масофадан туриб ишлашга ўтиш Британияда бир қатор катта компанияларни офис масаласини қайта кўриб чиқишга мажбур қилган. Жумладан, Ллойдс банки офис майдонини 20 фоизга, ҲСБC эса 40 фоизга қисқартириш ҳақида қарор чиқарганини маълум қилган.

Эслатиб ўтамиз, дунё авиакомпаниялари 2020 йилда коронавирус пандемияси туфайли 370 миллиард доллар йўқотган.

Изоҳ
Асосий янгиликлар
Маҳаллий
Солиқлар, жарималар, коммунал ва бошқа тўловларни қандай қилиб уйдан чиқмасдан тўлаш мумкин?
Маҳаллий
БАА Ўзбекистон заргарлик саноатига инвестиция киритиши кутиляпти
Дунё
Зеленскийнинг рафиқаси украиналиклар чироқсиз ва иссиқликсиз яшашга розилигини маълум қилди