Футбол бўйича Италия А Сериясининг 28-турида «Женоа» 19 март, жума куни «Парма» майдонига сафар қилди.
Беллашув майдон эгаларининг тезкор голи билан бошланди. 16-дақиқада Грациано Пелле «Женоа» дарвозасини акробатик тарзда ишғол этиб, жамоасини ҳисобда олдинга олиб чиқди. Биринчи бўлимда дарвозаларга бошқа тўп киритилмади.
Иккинчи бўлимнинг 50-дақиқасига келиб, Жанлука Скамакка Давиде Заппакостанинг узатмасини голга айлантириб, мувозанатни тиклади. Қайд этиш жоиз, Скамакка иккинчи бўлим аввалида ўзбекистонлик ҳужумчи Элдор Шомуродов ўрнига захирадан майдонга тушганди. 69-дақиқада эса Скамакканинг ўзи яна бир бор гол уриб, дублни расмийлаштирди.
Шу тариқа «Женоа» Шомуродов 45 дақиқа ҳаракат қилган ўйинда иродали ғалабага эришди.
«Парма»—«Женоа» учрашуви видеошарҳини бу ерда томоша қилиш мумкин — видео.
Ушбу ғалабадан кейин «Женоа» очколарини 31 тага етказиб, 13-поғонага кўтарилди. «Парма» эса (19) 19-ўриндан жой олган.
А Серия
28-тур баҳси19 март, жума
«Парма» — «Женоа» 1:2
Голлар: 1:0 – 16 Пелле, 1:1 – 50 Скамакка, 1:2 – 69 Скамакка.«Парма»: Сепе, Осорио, Конти, Пецселла (Бюси, 79), Бани (Гальоло, 71), Куцка, Бругман (Эрнани, 79), Ман, Куртич (Зиркзее, 79), Карамо (Михеиле, 64), Пелле.
«Женоа»: Перин, Заппакоста, Масьелло, Кришито, Чиборра (Пьяца, 46), Бадель, Радованович, Зайц (Ровелла 90), Стротман (Бираски, 68), Дестро (Беҳрами, 64), Шомуродов (Скамакка, 46).
Огоҳлантиришлар: Бани (19), Пецселла (57), Пелле (71), Радованович (72), Бругман (78), Бираски (84), Куцка (90+5).
Изоҳ (0)