Испания Ла Лигасининг 30-туридан ўрин олган «Реал» — «Барселона» учрашувининг ўтказилиш санаси ва бошланиш вақти маълум бўлди.
Ла Лига матбуот хизматининг ёзишича, ўйин Тошкент вақти билан 10 апрелдан 11 апрелга ўтар кечаси соат 00:00 да бошланади.
Эслатиб ўтамиз, 24 октябрь куни биринчи давра доирасида «Камп Ноу»да ўтказилган «Эль-Класико»да «Реал» 3:1 ҳисобидаги ғалабани тантана қилганди.
27-турдан кейин «Барселона» 59 очко тўплаб, мусобақа жадвалида иккинчи ўринда бормоқда. Мадрид клуби эса 57 очко билан учинчи поғонани банд қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)