Mobiuz 2G (GSM) частоталарини қайта тақсимлаш орқали ҳудудларда 4G LTE хизматларини янада кенгайтирди.
Тармоқни бундай қайта созлаш рефарминг деб аталади. У мобил алоқа операторида мавжуд частоталарни зарурий эҳтиёжлар учун қайта тақсимлашни назарда тутади.
Хусусан, 4G LTE тармоғи нафақат «ўзига тегишли» диапазонларда (800 МГц, 850 МГц, 2600 МГц ва бошқалар), балки етарлича ривожланган 2G/3G (900 МГц, 1800 МГц, 2100 МГц) диапазонларда ҳам ишлаши мумкин. Натижада рефарминг мобил алоқа операторига илгари 2G/3G бўлган ҳудудларда LTE қамровини тақдим этиш имкониятини беради. Жараён зарур техник параметрларга жавоб бериши керак бўлган ускуналарни тўлиқ модернизация қилишни ҳам ўз ичига олади.
Рефарминг 2019—2021 йилларда Mobiuz мобил операторини ривожлантириш концепциясига мувофиқ амалга оширилмоқда ва компанияни техник такомиллаштириш учун стратегик аҳамиятга эга. Аввало, гап олис қишлоқлар ва вилоятларни сифатли алоқа ва мобил интернет билан қамраб олиш ҳақида кетмоқда. Шаҳар ва вилоят марказлари шароитида бу имкон қадар кўпроқ абонентларга хизмат кўрсатиш учун тармоқлар сиғимининг ошишига олиб келади.
Умуман олганда, жорий йилнинг 2,5 ойида Mobiuz мамлакатнинг барча минтақаларида 700 дан ортиқ таянч станцияларини рефарминг қилди. Масалан, Хоразм вилоятида 116 та, Андижонда 89 та, Қашқадарёда 125 та, Қорақалпоғистон Республикасида 66 та ва бошқалари модернизация қилинди.
«Mobiuz LTE тармоғи эҳтиёжлари учун GSMнинг 1800 МГц частотасини қайта тақсимлаш бўйича ижобий тажрибага эга. Биз LTE 1800 стандартига катта эътибор қаратяпмиз, чунки у дунёдаги энг оммабоп технологиялардан бири. Уни LTE қурилмаларининг 90 фоизидан ортиғи қўллаб-қувватлайди. Унда мобил интернет катта масофаларда ва яхши тезликда ишлай олади. Шундай қилиб, рефарминг натижасида биз ҳудудларда тармоқ қамровини сезиларли даражада яхшилашга ва интернет ўтказувчанлигини оширишга муваффақ бўлдик», — деди Mobiuz компанияси бош директорининг техника ва ахборот технологиялари бўйича ўринбосари Абдураҳмон Абдураҳмонов.
Шу билан бирга, Mobiuz янги техник объектларни қуриш ва ишга тушириш бўйича фаол иш олиб бормоқда. Хитой Халқ Республикасининг имтиёзли кредити доирасида Mobiuz бу йил мингдан ортиқ таянч станцияларни ишга туширади, шу жумладан, Тошкентда тажриба тариқасида 5G станцияларини ўрнатади.
Mobiuz мунтазам равишда ўзининг Telegram каналида янги таянч станциялар тўғрисида маълумотларни жойлаштириб бормоқда.
Telegram: https://t.me/MOBIUZuzb
Реклама ҳуқуқи асосида.
Изоҳ (0)