АҚШ давлат департаменти Ўзбекистонда фуқаролик жамияти ва мустақил ОАВларининг салоҳиятини кучайтириш дастурини амалга ошириш учун маблағ ажратмоқчи. Бу ҳақда РТ хабар берди.
Америка томони потенциал пудратчиларга маҳаллий мустақил ОАВларини ривожлантириш, инсон ҳуқуқларини таъминлаш, шунингдек, Ўзбекистон фуқаролари учун иқтисодий имкониятларни кенгайтириш билан шуғулланишни таклиф қилмоқда.
Лойиҳа, бошқа нарсалар қатори, мамлакатдаги иқтисодий вазиятни яхшилашга, фуқаролик жамияти ташкилотларининг республика аҳолиси ижтимоий эҳтиёжларини қондиришга эътибор қаратиш қобилиятини оширишга ёрдам бериши, шунингдек ОАВ ва журналистларнинг касбий тайёргарлиги билан шуғулланадиган муассасалар ишига таъсир кўрсатиши кутилмоқда.
Хабарда айтилишича, келажакдаги пудратчиларнинг ҳар бири учун битта грант миқдори 10 минг доллардан 50 минг долларгача бўлиши мумкин, аммо уларнинг умумий сони қайд этилмаган.
Тегишли дастурни бошлашга тайёргарлик кўриш доирасида агентлик маҳаллий шериклардан керакли маълумотларни тўплаш бошлаганлигини эълон қилган.
Изоҳ (0)