Футбол бўйича Италия А Сериясининг 23-турида «Наполи» 21 февраль, якшанба куни «Аталанта» майдонига сафар қилди.
Учрашув голлар ёмғирига айланди. Барча голлар иккинчи бўлимда киритилди. 52-дақиқада Дуван Сапата мезбонларни ҳисобда олдинга олиб чиққан бўлса, 6 дақиқа ўтиб, Пётр Зелиньски ҳисобни тенглаштирди. 64-дақиқада Робин Гозенс «Аталанта»нинг иккинчи голини киритган бўлса, 71-дақиқада Луис Муриэль ҳисобни 3:1 кўринишига келтирди.
Неапол клубининг ўйиндаги сўнгги голи бергамоликлар томонидан урилди. Автогол муаллифи эса Робин Гозенс бўлди. 79-дақиқада Кристиан Ромеро учрашувга нуқта қўйган голни урди — 4:2.
Ушбу ғалабадан сўнг «Аталанта» 23 турда 43 очко тўплаган ҳолда 4-ўринда бормоқда. Неапол жамоаси 40 очко жамғариб, 7-ўринда қайд этилган.
А Серия
23-тур баҳси
21 февраль, якшанба
«Аталанта»—«Наполи» 4:2
Голлар: 1:0 – 52 Сапата, 1:1 – 58 Зелиньски, 2:1 – 64 Гозенс, 3:1 – 71 Муриэль, 3:2 – 75, автогол Гозенс, 4:2 – 79 Ромеро.
«Аталанта»: Голлини, Гозенс, Гимшити, Ромеро, Меле, Пессина (Паломино, 84), Фройлер (Пашалич, 78), де Рон, Толои, Сапата, Муриэль (Миранчук, 84).
«Наполи»: Мерет, Мариу Руй (Гулям, 78), Ди Лоренцо, Рраҳмани, Максимович (Кулибали, 78), Бакаёко, Зелиньски (Лоботка, 84), Фабиан Руис, Элмаз (Инсинье, 53), Политано, Осимҳен.
Огоҳлантиришлар: Ди Лоренцо (6), Гимшити (55), Гозенс (87).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)