Futbol bo‘yicha Italiya A Seriyasining 23-turida “Napoli” 21-fevral, yakshanba kuni “Atalanta” maydoniga safar qildi.
Uchrashuv gollar yomg‘iriga aylandi. Barcha gollar ikkinchi bo‘limda kiritildi. 52-daqiqada Duvan Sapata mezbonlarni hisobda oldinga olib chiqqan bo‘lsa, 6 daqiqa o‘tib, Pyotr Zelinski hisobni tenglashtirdi. 64-daqiqada Robin Gozens “Atalanta”ning ikkinchi golini kiritgan bo‘lsa, 71-daqiqada Luis Muriel hisobni 3:1 ko‘rinishiga keltirdi.
Neapol klubining o‘yindagi so‘nggi goli bergamoliklar tomonidan urildi. Avtogol muallifi esa Robin Gozens bo‘ldi. 79-daqiqada Kristian Romero uchrashuvga nuqta qo‘ygan golni urdi — 4:2.
Ushbu g‘alabadan so‘ng “Atalanta” 23 turda 43 ochko to‘plagan holda 4-o‘rinda bormoqda. Neapol jamoasi 40 ochko jamg‘arib, 7-o‘rinda qayd etilgan.
A Seriya
23-tur bahsi
21-fevral, yakshanba
“Atalanta”—“Napoli” 4:2
Gollar: 1:0 – 52 Sapata, 1:1 – 58 Zelinski, 2:1 – 64 Gozens, 3:1 – 71 Muriel, 3:2 – 75, avtogol Gozens, 4:2 – 79 Romero.
“Atalanta”: Gollini, Gozens, Gimshiti, Romero, Mele, Pessina (Palomino, 84), Froyler (Pashalich, 78), de Ron, Toloi, Sapata, Muriel (Miranchuk, 84).
“Napoli”: Meret, Mariu Ruy (Gulyam, 78), Di Lorenso, Rrahmani, Maksimovich (Kulibali, 78), Bakayoko, Zelinski (Lobotka, 84), Fabian Ruis, Elmaz (Insinye, 53), Politano, Osimhen.
Ogohlantirishlar: Di Lorenso (6), Gimshiti (55), Gozens (87).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)