Бугун,

  • USD 11095.31
  • RUB 173.84
  • EUR 10772.44

Ўзбекистонда пластик карта орқали тўлов амалга оширилганида товарлар нархини кўтариш қонун билан тақиқланади. Бу ҳақда Олий Мажлис Қонунчилик палатаси матбуот хизмати хабар берди.

Фото: «Дарё»

Фото: «Дарё»

Қайд этилишича, Олий Мажлис Қонунчилик палатасининг 15 февраль куни бўлиб ўтган навбатдаги мажлисида депутатлар «‘Истеъмолчиларнинг ҳуқуқларини ҳимоя қилиш тўғрисида’ги қонунга ўзгартиш ва қўшимчалар киритиш тўғрисида»ги қонун лойиҳасини биринчи ўқишда кўриб чиққан.

Қонун лойиҳасини концептуал асослаш мақсадида маъруза қилган Монополияга қарши курашиш қўмитаси раиси Нажмиддин Шариповнинг таъкидлашича, мазкур ҳужжат билан истеъмолчи ҳуқуқларининг устуворлиги, истеъмолчига товар (иш, хизмат), савдо ва хизмат кўрсатиш қоидалари тўғрисидаги маълумотлар давлат тилида тақдим этилиши (келишувга кўра, бошқа тилларда ҳам) белгиланмоқда.

Шу билан бирга, сотувчига бир турдаги товарлар учун ҳақ тўлаш шаклига қараб ҳар хил нарх белгилаш тақиқланмоқда, истеъмолчига нуқсонли ва талабга жавоб бермайдиган товар сотилганлигини аниқлаш билан боғлиқ харажатлар сотувчи томонидан қопланиши тартиби жорий этилмоқда.

Шунингдек, ҳужжат билан қуйидаги ҳуқуқбузарликларга молиявий санкция жорий этилмоқда:

  • истеъмолчига мақбул сифатли ёки нуқсонли товарни алмаштириб бериш ва товар нуқсонларини бепул бартараф этиш тартибини бузиш;
  • истеъмолчини қўшимча хизматлардан фойдаланишга қисташ;
  • кўрсатилмаган хизматлар учун ҳақ олиш;
  • шартномага истеъмолчи ҳуқуқларини чеклаб қўядиган ва қонун ҳужжатларига зид бўлган талабларни киритиш;
  • яроқлилик муддати ўтган товарларни реализация қилиш;
  • норматив ҳужжатлар талабларига жавоб бермайдиган товар, қалбакилаштирилган озиқ-овқат маҳсулотини ишлаб чиқариш, олиб кириш ва реализация қилиш.
Лойиҳада товарларни масофадан туриб ва ахборот тизимларидан фойдаланган ҳолда реализация қилишда истеъмолчилар ҳуқуқларини ҳимоя қилиш механизмлари ҳам жорий этилмоқда.

Депутатларининг фикрича, қонун лойиҳасининг қабул қилиниши истеъмолчилар ҳуқуқлари бузилишининг олдини олишга, сотувчининг истеъмолчи олдидаги масъулияти ва жавобгарлигини оширишга хизмат қилади.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
Марказий банк раисининг крипто-активлар бўйича маълумоти рад этилди