Бугун,

  • USD 11095.31
  • RUB 173.84
  • EUR 10772.44

Тошкент вилояти Зангиота туманида суғориладиган ер майдонини ноқонуний сотмоқчи бўлган фирибгар қўлга олинди. Бу ҳақда Бош прокуратура «Дарё»га маълум қилди.

Маълумотларга кўра, Зангиота туманида «Н.» номли МТП раҳбари Ғ. исмли фуқарога тумандаги чорва фермер хўжалигига қарашли 30 сотих суғориладиган ер майдонини сотмоқчи бўлган. Бунинг эвазига у фуқаро Ғ.дан 27,7 минг доллар сўраган.

Фирибгар ер ҳужжатларини танишлари орқали расмийлаштириб беришга келишиб, олдиндан 10,3 минг долларни олган вақтида ашёвий далил билан ушланган.

Ҳолат юзасидан унга нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.

Аввалроқ Сирдарёда 12 сотих ерни расмийлаштириб бериш учун 1200 доллар талаб қилган қурилиш бўлими бошлиғи ва унинг ўртада воситачилик қилган шериги ушлангани, Бўстонлиқдаги 1 гектар ерни расмийлаштириб бериш учун 160 минг доллар талаб қилган шахс қўлга олингани, Тошкент вилоятида 60 минг долларга ер сотмоқчи бўлган туман ҳокими ўринбосари ушлангани тўғрисида хабар берилганди.

Изоҳ
Асосий янгиликлар
Маҳаллий
Туркманистон Ўзбекистонга текинга газ етказиб беради 
Маҳаллий
Тошкентда кўприк устидаги “Газел” ёниб кетди (видео)
Бизнес
Россиядан Осиёга кўмир экспорти нархи ошгани маълум қилинди