Болалигиданоқ ўз карьерасини бошлаган Болливуд юлдузлари (фото)

Кейинчалик ҳинд киноларининг юлдузига айланган актёр ва актрисаларнинг айримлари болалигиданоқ камера қаршисида ишлашни бошлаган.

Наргис

Ҳинд кинематографиясининг энг таниқли актрисаларидан бири Наргис «Ҳақиқатни излаб» фильмида 6 ёшлигида экранга чиқишга муваффақ бўлган. У болакай Рани ролини ижро этган. Актриса 1943 йил Меҳбуб Хоннинг «Тақдир» фильмидан кейин машҳурликка эришган.

Мадхубала

Мадхубаланинг биринчи фильми бенгалиялик режиссёр Амия Чакравартининг «Баҳор» драмаси эди. Ўша пайтда юлдуз 9 ёшда бўлган. Продусер Девик Рани қизнинг актёрлиги ва салоҳиятига қойил қолди ва унга Мадхубала тахаллусини олишни маслаҳат берган. Бунгача у Мумтаз номи билан танилган эди.

Мина Кумари

Мина Кумари Али Букса ва Иқбол Бегим оиласида дунёга келган. Бу унинг отаси учун катта умидсизлик бўлган, чунки у ўғил фарзанд кутаётган эди. У ҳатто қизини кўчага ташлаб кетишга ҳам қарор қилган, лекин бир неча соатдан кейин фикридан қайтиб, уйига олиб кетган. Мина кинога қизиқмас, мактабга боришни хоҳлар эди. Аммо ота-онаси қизи пул топиб, оиласини боқиши кераклиги учун уни турли киностудияларга таклиф қилган. У илк бора 6 ёшида «Чарм юз» фильмида суратга тушиб, пул ишлаган.

Нутан

Нутан 14 ёшида ўз карьерасини 1950 йилда онаси Шобхана Самарт томонидан суратга олинган «Бизнинг қизимиз» фильмидан бошлаган. Унинг биринчи катта лойиҳаси «Сеема» бўлиб, шундан сўнг Filmfare мукофотига сазовор бўлган.

Шаши Капур

Болливуднинг энг катта киноихлосмандлари оиласида туғилган Шаши Капур Раж Капурнинг «Ёнаётган эҳтирос» фильмида болалигидаёқ роль ижро этган. Кейинчалик яна бир қанча фильмларда иштирок этиб, ушбу соҳада ўзини ўрнини топишга муваффақ бўлган.

Риши Капур

Ташқи кўринишини отаси Раж Капурдан мерос қилиб олган Риши кино оламига ёшлигида кириб келган. Раж Капур уни «Жаноб 420» фильми учун видеоклипга туширганда атиги икки ёшда эди. 11 ёшида отаси «Менинг исмим масхарабоз» фильмини суратга олишга киришган ва ўғли ҳам унда иштирок этган.

Ниту Сингх

Риши Капурнинг рафиқаси Ниту Сингх ҳам болалигиданоқ ўз фаолиятини бошлаган. У «Малика ва қароқчи» фильмида роль ижро этганида атиги 7 ёшда бўлган.

Табассум

Табассум ўз фаолиятини 3 ёшида бошлаган. Табассум болалар орасида жуда машҳур актриса эди. 7 ёшида эса «Учрашув» фильмида кичкина Наргис ролини ижро этган.

Рекҳа

Ҳинд кинематографиясининг энг яхши актрисаларидан бири деб тан олинган Рекҳа актрисалик фаолиятини болалигидан бошлаган. У 4 ёшида «Оила сири» фильмида суратга тушган.

Шридеви

Шридеви ҳам актрисалик фаолиятини Жанубий Ҳиндистон фильмлари билан бошлаган. 12 ёшида эса Болливудда «Жули» фильмида энг кичик сингил образида намоён бўлган. Орадан 4 йил ўтиб, «Солва Савян»фильмида бош ролни ижро этган.

Санжай Датт

Сунил Датт ва Наргиснинг ўғли 22 ёшида таъсирли дебют қилган. Ундан 10 йил аввал эса 12 ёшда бўлган Санжай «Решма ва Шера» фильмида кичик роль ижро этган.

Сарика

Сариканинг отаси ёшлигида оилани тарк этгани учун ҳам у 4 ёшидан бошлаб кинотеатрда ишлашга мажбур бўлган. Онаси унга мактабга боришни тақиқлаб, фильмда рол ижро этишга кўндирган. Унинг болалигидаги энг таниқли ва машҳур роли «Ҳамроз» мусиқий фильми бўлиб, у ерда асосий қаҳрамон Вими қизи ролини ижро этган.