Голливуд кўп сонли юлдузларни ўз ичига олганлиги учун ҳам улар орасида бир-бирига қуйиб қўйгандек ўхшаш машҳурлар борлиги ажабланарли эмас.
Тэнди Ньютон ва Зои Салдана
Тэнди Ньютоннинг, 2018 йил Грэм Нортон шоусида таъкидлашича, Виктория Бекҳэм фитнес машғулотлари вақтида уни Зои Салдана билан адаштириб юборган. Шунингдек, бу каби янглишлик унинг ҳаётида биринчи марта рўй бермаган. Зои Салдана эса интервьюларнинг бирида, онаси ундан «Ёввойи Ғарб дунёси» сериалида отишмалар қандай бўлгани ҳақида сўраганлигини айтган. Зои эса ушбу сериалда, умуман рол ижро этмаганини маълум қилганида, онасининг ҳайрати ошган. Қариндошлар бу борада янглишиб турганида, томошабинлар ҳақда нима дейиш ҳам мумкин?
Генри Кавилл ва Мэтт Бомер
Бугунги кунда Мэтт Бомер машҳурлиги бўйича Генри Кавиллдан қуйироқ даражада бўлишига қарамай, иккала актёр ҳам ажойиб ташқи кўринишга эга. Шунингдек, улар ажабланарли тарзда бир-бирга ўхшаш ҳам.
Кэти Перри ва Зои Дешанель
Икки юлдузни фарқлаб турувчи асосий нарса бу уларнинг соҳаларида. Биринчиси поп юлдузи, иккинчиси эса истеъдодли актриса. Шунингдек, уларнинг кийиниш услубида ҳам фарқ бор. Кэти ёрқин ва ғайриоддий либосларни хуш кўрса, Зои эса романтик образда кўринишни маъқул кўради. Аммо уларни суратига қараб ҳам ажрата оламан, дейдиганлар қаттиқ адашади.
Хавер Бардем ва Жеффри Дин Морган
Испаниялик актёрнинг аввал ҳеч кимга ўхшатиб ҳам бўлмаган. Аммо 2005 йил «Ғайритабиий» сериалидан сўнг барча томошабинлар ҳайратда қолган. Чунки уларни фарқлаб олишнинг ҳам имкони йўқ. Кейинчалик, Морган карьерасининг бошида ундан Хавернинг мухлислари келиб дастхат олганини ҳам маълум қилган.
Кира Найтли ва Натали Портман
Баъзида Киранинг мухлислари Наталини, Наталини истеъдодига қойил қолганлар эса Кирадан нафратланадиганга ўхшайди. Шунга қарамай, ушбу гўзаллик ўртасидаги ўхшашликни айтмасликнинг иложи йўқ. Натали карьерасини жуда ёшлигидан бошлаганига қарамай, иккисининг ҳам машҳурлиги ўзига етарли.
Уилл Феррелл ва Чад Смит
Машҳур комедиячи Уилл Феррелл ҳамда барабанчи Чад Смит шу қадар ўхшашки, энг садоқатли мухлислар ҳам иккисини адаштиради. «Мен бўш вақтимда барабан чалиш билан шуғулланишимни кўп эшитаман», дея ҳазиллашган Уилл Феррелл. Шунингдек, Чад Смит ҳам концертларининг бирида мухлислардан бири уни америкалик комедиячи исми билан чақирганини таъкидлаган.
Бриттани Мерфи ва Лили Рейнхарт
Лили Рейнхарт «Ривердейл» сериалида суратга тушганидан сўнг бутун дунёга машҳур бўлган. Юлдузнинг ташқи қиёфаси 2009 йилда вафот этган Бриттани Мерфига ўхшашлигидан кўпчилик уни марҳуманинг қайта туғилган варианти, деб ҳам ўйлайди.
Гас Кенуорти ва Ричард Медден
«Тахтлар ўйини» суратга олинганидан сўнг Ричар Медден ҳақиқий кино юлдузига айланди. Спортчи Гас Кенуорти 2019 йилда «Американинг қўрқинчли ҳикояси» картинасида эпизодик ролни ижро этди. Эндиликда спортчи актёрлик карьерасига жиддий киришмоқчи.
Марго Робби ва Жейми Прессли
Марго Робби актрисалик фаолиятидан ташқари ўзининг «қўғирчоқ» қиёфаси билан ҳам танилган. Шунингдек, XXI асрнинг энг гўзал аёли сифатида ҳам тан олинган. Бу каби гўзал аёл ҳамиша модель Жейми Прессли билан таққосланади.
Мавзуга доир:
Изоҳ (0)