Футбол бўйича Италия А Сериясининг 21-туридан ўрин олган бир қатор учрашувлар 6 февраль, якшанба куни бўлиб ўтди.
«Ювентус» турнинг марказий ўйинида «Рома»га қарши баҳс юритди. Учрашувнинг 13-дақиқасида Криштиану Роналду туринликларни олдинга олиб чиқди. 69-дақиқада римликлар вакили Рожер Ибанес ўз дарвозасини ишғол қилиб қўйди. Қолган вақтда ҳисоб ўзгармади.
Ушбу ғалабадан кейин «Ювентус» очколарини 42 тага етказиб олган ҳолда 3-ўринга кўтарилди. «Рома» (40) эса 4-поғонага тушиб кетди.
«Аталанта» мусобақа аутсайдерларидан бири «Торино»га қарши ўйнади. Бергамоликлар 21-дақиқага қадар учта гол урган ҳолда ҳисобни йирик кўринишга олиб келди. Бироқ бунга туринликлар танаффусга қадар иккита ва иккинчи бўлимдаги битта гол билан жавоб қайтара олди.
«Аталанта» 37 очко билан 6-ўринда бормоқда, «Торино» (16) эса 17-поғонадан жой олган.
А Серия
21-тур баҳслари
6 февраль, шанба
«Ювентус» — «Рома» 2:0
Голлар: 1:0 – 13 Роналду, 2:0 – 69, автогол Рожер.«Ювентус»: Шенсни, Кьеллини, Алекс Сандро (де Лигт, 85), Бонуччи (Демирал, 85), Данило, Рабьо, Артур, Маккенни (Куадрадо, 65), Кьеза (Бернардески, 82), Роналду, Мората (Кулусевски, 65).
«Рома»: Лопес, Карсдорп (Бруно Перес, 76), Кумбула, Манчини, Спинаццола, Вильяр (Диавара, 62), Кристанте (Карлес Перес, 63), Мхитарян, Верету, Рожер, Майораль (Жеко, 63).
Огоҳлантиришлар: Манчини (35), Артур (37), Кумбула (54), Роналду (62).
«Аталанта» — «Торино» 3:3
Голлар: 1:0 – 14 Иличич, 2:0 – 19, автогол Сиригу, 3:0 – 21 Муриэль, 3:1 – 42 Белотти, 3:2 – 45 Бремер, 3:3 – 84 Бонаццоли.«Сассуоло» — «Специя» 1:2
Голлар: 1:0 – 25 Капуто, 1:1 – 39 Эрлич, 1:2 – 78 Жаси.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)