Чиа уруғлари озуқа моддаларнинг юқори концентрациясига эга. Унинг таркибида кальций, калий ва антиоксидантлар мавжуд. Чиа уруғининг ватани Марказий ва Жанубий Мексика ҳисобланади. Ушбу уруғлар қадимдан бери ишлатилиб, эндиликда ундан кундалик озиқ-овқат маҳсулоти сифатида фойдаланилмоқда.
- Ортиқча вазндан қутулишга ёрдам беради, ошқозонни тўқ тутиб, калорияни камайтиради.
- Танани кальций билан таъминлайди, шунинг учун остеопороз ва менопауза даврида истеъмол қилиш тавсия этилади.
- Таркибида мавжуд фосфор туфайли асаб тизими учун фойдали ҳисобланади ва хотирани мустаҳкамлайди.
- Уруғлар юрак фаолияти ва холестерин миқдорини пасайтириш учун зарур бўлган омега-3 ва омега-6 кислоталарига бой.
- Чиа уруғлари калийга бой бўлгани учун уларни истеъмол қилиш қон босимини пасайтиришга ёрдам беради.
- Қондаги қанд миқдорини, умуман, эндокрин тизим фаолиятини барқарорлаштиришга қодир.
- Чиа уруғлари мазасиз бўлгани боис уни деярли барча таомларга қўшиш мумкин.
Чиа уруғидан қандай фойдаланиш керак?
Аввало, уруғлар сувга бўктирилади, шундан кейин улар шишиб, желега ўхшаш массага айланади. Эрта тонгда йогурт, смузи ёки ёрмаларга қўшиш учун туни билан музлаткичга қўйиш тавсия этилади.
Шунингдек, сувдан бошқа ҳар қандай суюқликка ҳам қўшиш мумкин. Масалан, кефир, сут, кокос ёки бодом сути, чой ва ҳаттоки помидор шарбати кабилар. Уруғларни суюқликка 1:4 нисбатда қўшиш керак. Бундан ташқари, уруғларни икки ҳафта мобайнида музлаткичда сақлаш мумкин.
Руккола кўкатларидан тайёрланадиган салатлар учун чиа уруғи жуда мос келади. Бир қошиқ уруғ товада ёғсиз қовурилади. Шундан сўнг шўрва, салат ва бошқа қўшимча таомларга қўшиш мумкин.
Чиа уруғи осонгина сувни шимиб олгани учун тухум ўрнида ҳам фойдаланиш мумкин. Бир ош қошиқ чиа уруғи уч ош қошиқ сувга бўктирилади. Уруғлар шишиб чиққанидан сўнг 1 ош қошиқ уруғ рецепт бўйича тухум ўрнини босади. Айрим таомларга ун ёки маккажўхори крахмалини қўшиш тавсия этилади. Чиа уруғини тўғридан-тўғри қозонга бир жуфт ош қошиқ миқдорда қўшиш мумкин. Уруғлардан оддий нон ва котлетлар тайёрлашда ҳам фойдаланиш мумкин.
Бундан ташқари уй шаротида ҳам пуддинг тайёрлаш мумкин. Бодом сутига уруғлар бўктирилади ва музлаткичга қўйилади. Тайёр пудингга ёнғоқ, мевалар ва асал қўшиш мумкин.
Уруғлар желега айланиши мумкинлиги сабабли улардан мураббо тайёрлаш мумкин. Бунинг учун мевалар блендерда майдаланиб, чиа уруғи қўшилади.
Сочлар учун фойдали
Чиа уруғини 25 дақиқага сувга солинади. Улар гелга айлангунча кутиш керак, сўнгра уларга 3 ош қошиқ лимон шарбати қўшилади. Гелни ўхшаш масса сочларга сурилади ва 10 дақиқадан кейин ювилади. Соч толалари қалин ва майин бўлади.
Изоҳ (0)