Оила қуриб, сўнг ажрашган ўзбекистонлик машҳурлар (фото)

Журналист Наргиза Муродова ўзбек ижодкорлари орасида оила қуриб, баъзи сабабларга кўра ажралган жуфтликлар ҳақида маълумот тўплади.

Марям ва Бахтиёр Ихтиёровлар

Ўзбекистон халқ артисти Бахтиёр Ихтиёров ва Марям Ихтиёровалар оила қурган. Аммо уларнинг оилавий муносабатлари узоққа бормаган. Мазкур никоҳдан Хумора исмли фарзанд дунёга келган. Хумора Бахтиёрова бир неча йиллардан буён болалар хореографи бўлиб фаолият юритади.

Ёқуб Аҳмедов ва Клара Жалилова

Ўзбекистон халқ артисти Ёқуб Аҳмедов илк бор Ўзбекистонда хизмат кўрсатган артист Клара Жалилова билан оила қурган. Жуфтлик ўғиллари Фурқат туғилгач ихтиёрий тарзда ажрашишга қарор қилган. Таниқли актёр билан ажрашганидан беш йил ўтиб Клара Жалилова «Баҳор» ансамбли чангчиси Рустам Негматов билан оила қурган.

Руслан Шарипов ва Наргиз Зокирова

Мазкур юлдузли жуфтлик 1990 йил оила қурган. У пайтда Руслан Шарипов 24 ёшда, Наргиз эса бор йўғи 18 ёшга тўлганди. Ижодкорларнинг узоқ йил бахтли ҳаёт кечиришларига кўпчилик ишонган. Аммо ундай бўлмади, юлдузли жуфтлик хонадонида туғилган Сабина исмли қизалоқ ҳам оилани ажримдан асраб қололмаган.

Мадина ва Саид Мухторовлар

Камила ва Дж. Пилигрим

Собиқ «Сетора» гуруҳи аъзоси Камила Ҳаджаева Дж. Пилигрим билан оила қурган ва уларнинг Исом исмли ўғиллари бор. Афсуски, уларнинг ҳаёт йўллари кўп ўтмай ажралган.

Султонали Раҳматов ва Нилуфар Саидова

Бастакор Султонали Раҳматов ёш хонанда Нилуфар Саидова билан оила қурган. Унгача бастакорнинг аввалги турмушидан учта фарзанди бор эди. Нилуфар Саидова эса унга Фарина ва Safina исмли қизларни туҳфа этди. Афсуски, уларнинг турмуши узоққа чўзилмади.

Шароф Муқимов ва Севинч

Севинч ва Шароф Муқимовнинг оила қуриши кўплаб шов-шувларга сабаб бўлганди. Афсуски, мазкур жуфтлик узоқ вақт бирга бўлолмайди. Ажримдан бир неча йил ўтиб Шароф Муқимов уйланди. Севинч эса Лейла исмли қизалоғини тарбиялаяпти.

Йигитали Мамажонов ва Райҳон

Райҳон ва актёр Йигитали Мамажонов 2012 йилнинг 16 ноябрь куни дабдабали тўй қилиб турмуш қурган эди. Афсуски, санъаткорларнинг турмуши узоққа чўзилмади. Жуфтлик Ислом ва Имрон исмли эгизак фарзанд кўрганидан кўп ўтмай ажрашганини оммага маълум қилди. Йигитали Райҳондан сўнг Нигина исмли қизга уйланиб, қиз фарзандли бўлди ва у билан ҳам ажрашди. У ҳозир актриса Муқаддас Саъдуллаевага уйланган. Жуфтлик уч фарзандни тарбияламоқда. Райҳон шоумен Фарҳод Алимовга турмушга чиққан.

Рената ва Умид Искандаров

Актёр Умид Искандаров грим устаси Рената билан оила қуриб, ажрашган. Жуфтлик ҳозирга қадар ўзаро дўстона муносабатда.