IKEA АҚШдаги 4,5 минг гектар ўрмонни сақлаб қолиш мақсадида уни сотиб олди

Швециянинг IKEA ташкилоти АҚШда 4,5 минг гектар майдонга эга ўрмонни сотиб олди Бу ҳақда Harper’s Bazaar нашри хабар беради.

Маълум қилинишича, хариддан кўзланган мақсад ўрмонни сақлаш, дарахтлар кесилиши ва ушбу майдонда бўладиган қурилишларнинг олдини олишдан иборат.

Аввал ушбу ерлар АҚШдаги ўрмонларни ҳимоя қилувчи The Conservation Fund номли нотижорий ташкилотга қарашли бўлган. Ташкилот 8 миллион акр ўрмон ҳудудини сақлаб қолишга муваффақ бўлган. IKEA’га қарашли янги ер мулки Жоржия штатининг жануби-шарқида, Алтамаха кўл ҳавзаси атрофида жойлашган. Уни компаниянинг инвестиция масалалари билан шуғулланадиган

Ingka Investments бўлими бошқаради. Ingka Group билан ишлаш бахтига муяссар эканидан хурсандлигини билдирган The

Conservation Fund раҳбари Ларри Селсер яхши сақланган ўрмон сув, ўсимлик ва камёб турдаги ҳайвонлар, шунингдек, иқлимни ўзгартириш учун ҳам муҳим эканини қўшимча қилган.

Маълумот учун, IKEA бугунги кунда Американинг 5 штати: Жоржия, Шимолий Каролина, Алабама, Техама ва Оклахомадаги жами майдони 55 минг гектарни ташкил қиладиган ўрмонларга эгалик қилади.