Бугун,

  • USD 11095.31
  • RUB 173.84
  • EUR 10772.44

2020 йилда Ўзбекистондаги банклар орқали нақд пул айланмаси ҳажми 60,1 триллион сўмни ташкил этди ва бу кўрсаткич 2019 йилга нисбатан 25,4 фоизга ошди. Бу ҳақда Марказий банкнинг нақд пул муомаласи бўйича қисқача шарҳида келтириб ўтилган.

Фото: «Дарё»

Фото: «Дарё»

Жумладан, банклар кассаларига нақд пул тушумлари 179,9 триллион сўмни, ўз навбатида, чиқим қилинган нақд пуллар 180,2 триллион сўмни ташкил этган.

«2020 йилда банклар орқали нақд пул айланмалари динамикаси мамлакатимиздаги иқтисодий-ижтимоий ҳолатдан келиб чиқиб, жумладан, пандемия шароитида жорий этилган карантин даврида иқтисодий фаолликнинг пасайиши ва карантиндан сўнг қайта жонланиши таъсирида шаклланди», дейилади хабарда.

Банклар кассаларига нақд пул тушумлари 2020 йилнинг чораклар кесимида кўриладиган бўлса, коронавирус пандемияси шароитида йилнинг II чорагида сезиларли пасайиш кузатилган. Жумладан, банклар кассаларига нақд пул тушумлари I чоракка нисбатан 26 фоизга камайган бўлса, карантин талабларининг юмшатилиши ортидан иқтисодий фаолликнинг ортиши натижасида IV чоракда II чоракка нисбатан 76 фоизга кўпайган.

Нақд пул тушумларининг IV чоракда II чоракка нисбатан ўсиш ҳажмининг қарийб 12,4 триллион сўми савдо ва пуллик хизматлардан, 6,2 триллион сўми банк хизматлари бўйича тушумлар ҳиссасига тўғри келган.

«Хусусан, 2020 йил январь ойида пенсия тўловларининг 17 фоизи, иш ҳақи тўловларининг 66 фоизи банк карталари орқали тўланган бўлса, йилнинг охирги декабрь ойида эса пенсия тўловларининг 31 фоизи ҳамда иш ҳақи тўловларининг 83 фоизи банк карталарига ўтказилди», дея таъкидланади хабарда.

Умуман олганда, 2020 йилда банк карталарига жами 180,5 триллион сўмлик маблағлар келиб тушиб, ушбу даврда банк карталаридаги 62,2 триллион сўмлик (34,4 фоиз) маблағлар аҳоли томонидан нақдлаштириб олинган.

Бундан ташқари, 2020 йилда банклар кассалари (шу жумладан, банкоматлар) орқали чиқим қилинган нақд пуллар 2019 йилга нисбатан қарийб 25 фоизга ошиши кузатилган бўлса, мазкур ҳолат асосан банк карталаридан нақд пул ечиш ҳажмининг 25,6 триллион сўмга (1,7 баробар) ўсиши ҳисобига юзага келган.

Аввалроқ ўзбекистонликлар 2020 йилда банклардан қанча доллар сотиб олгани тўғрисида хабар берилганди.

Изоҳ
Asosiy yangiliklar
Маҳаллий
Ўзбекистонда бензин нархларини сунъий оширган АЁҚШларга тегишли чора кўрилиши маълум қилинди
Дунё
Арманистонда 25 минг инсон умрига зомин бўлган зилзила, Япониянинг Перл-Ҳарборга ҳужуми ва Жанубий Корея қамоқхонасида 40 йил ўтирган КХДР фуқароси. Кун хронология...
Спорт
ЖЧ—2022 да барча чорак финал жуфтликлари маълум бўлди