Самарқанд вилоят ИИБ Жиноят қидирув бошқармаси Коррупция ва иқтисодий жиноятларга қарши курашиш бўлими ходимлари ҳарбий таълим муассасаларига ўқишга киритишни ваъда қилиб, фуқаролардан пул талаб қилган аёлни қўлга олди. Бу ҳақда «Дарё»га вилоят ИИБ ахборот хизмати маълум қилди.
Таъкидланишича, 2021 йилнинг 14 январь куни вилоят ИИБга Пастдарғом туманида яшовчи Т.М. мурожаат қилиб, Я.З. исмли аёл уни танишлари орқали Ички ишлар вазирлиги академиясига, укасини эса Тошкент шаҳридаги Темурбеклар мактабига ўқишга киритиб беришини ваъда қилиб, эвазига 2020 йилнинг июль ойидан ноябрь ойига қадар 3 минг доллар пулларни олиб, ўқишга киритмасдан, яна 400 доллар талаб қилаётганини билдирган.
Мазкур аризага асосан, 2021 йилнинг 14 январь куни вилоят ИИБ ЖҚБ Коррупция ва иқтисодий жиноятларга қарши курашиш бўлими ходимлари томонидан тезкор тадбир ўтказилиб, Я.З. ариза муаллифидан 400 долларни олган вақтида ашёвий далиллар билан ушланган.
Олиб борилган тезкор суриштирувлардан сўнг гумондор бир нечта фуқаролардан, жумладан, Б.Ф.дан 2020 йил декабрь ойида Миллий гвардия институтига киритиб қўйиш эвазига 2500 долларга келишиб, олдиндан 400 доллар олгани, фуқаро Т.Д.дан эса 2020 йилнинг ноябрь ойида ўғлини Темурбеклар мактабига ўқишга киритиш эвазига 2000 доллар олганлиги, Н.Р.дан эса 2020 йил август—сентябрь ойларида икки нафар фарзандини Темурбеклар мактабига ўқишга киритиб қўйиш эвазига 5000 доллар пулни фирибгарлик йўли билан қўлга киритганлиги аниқланган.
Мазкур ҳолат юзасидан Пастдарғом тумани ИИБ ҳузуридаги тергов бўлими томонидан терговга қадар текширув ҳаракатлари олиб борилмоқда.
Мавзуга доир:
- Бўстонлиқдаги 1 гектар ерни расмийлаштириб бериш учун 160 минг доллар талаб қилган шахс қўлга олинди. У бунга қадар 4 маротаба судланган
- Қашқадарёда металл заводига ишга киритиб қўйиш учун 80 000 доллар сўраган шахс қўлга олинди
- Зангиота–Чилонзор йўналишида кира қилмоқчи бўлган Damas ҳайдовчисидан 500 доллар талаб қилган шахслар ушланди
Изоҳ (0)