Болливуднинг фарзандли бўлган ва оила аъзолари кўпайиш арафасидаги юлдузлари ҳақида маълумот бериб ўтамиз.
Саиф Али Хон ва Карина Капур
2020 йилнинг август ойида машҳурлар фарзанд кутаётганини эълон қилган. Юлдузли жуфтлик бундан жуда ҳам хурсанд эканлигини айтиб, қўллаб-қувватлаган ва яхши тилак билдирган ҳаммадан миннатдор эканини ёзиб қолдирган. Саифнинг биринчи оиласидан икки фарзанди бор. Карина билан турмуш қурганидан кейин актриса ўғил фарзанд дунёга келтирган. Карина Капур ҳомиладорлиги акс этган суратлари билан Instagram саҳифасида бўлишиб келади.
Анушка Шарма ва Вират Кохли
Ушбу жуфтлик ҳам 2020 йилнинг август ойида оила аъзолари сони биттага кўпайиши ҳақида ёзиб қолдирган. Виратнинг рафиқаси ҳомиладорлиги ҳақидаги пости 2020 йилнинг энг машҳур твитларидан бири бўлган. 2021 йилнинг 11 январь куни эса актрисанинг кўзи ёриган. Бу 2017 йил турмуш қурган жуфтликнинг биринчи марта ота-она бўлиши.
Амрита Рао ва радио диджейи Анмол
Амрита кўзи ёришидан икки ҳафта аввал ҳомиладорлигининг 9 ойида фарзанд кутаётгани ҳақида эълон қилган. Сурати билан бўлишган Рао мухлисларига ушбу хушхабарни етказар экан, ўзи ва турмуш ўртоғининг жуда ҳам бахтиёр эканлигини ёзиб қолдирган. 1 ноябрь куни дунёга келган чақалоққа Вир деб исм қўйилган.
Анита Хассанандали ва Рохит Редди
2013 йилда Рохитга турмушга чиққан Рохита 2020 йилнинг октябрь ойида ҳомиладор эканлигини маълум қилган.
Каранвир Бохра ва Тижай
2020 йилнинг декабрь ойида юлдузли жуфтлик оиласида уч нафар қиз фарзанд дунёга келган. Уларнинг эгизак қизлари бўлган.
Руслан Мумтаз ва Нирали Мехта
Актриса Анжана Мумтазнинг ўғли 2020 йилнинг мартида ота бўлган. Райан деб исм қўйилган чақалоққа очилган Instagram саҳифасида 7000 кузатувчиси бор.
Шилпа Шетти Кундра ва Раж Кундра
Жуфтликнинг февраль ойида қиз фарзандли бўлгани ҳақидаги хабар мухлисларни ҳайратда қолдирган. Саккиз яшар фарзанди бор Шилпа ва Ражнинг иккинчи фарзандини суррогат она дунёга келтирган. Ражнинг биринчи турмушидан бир нафар қизи ҳам бор.
Изоҳ (0)