Флориданинг Галф-Бриз шаҳрида истиқомат қилувчи Майкл Эсмонд исмли 74 ёшли бизнесман 114 нафар оилага коммунал хизматлардаги қарзини — 7,5 минг доллардан ортиқ маблағни тўлашга ёрдам берди, деб ёзади Meduza.
2020 йилда Галф-Бриз нафақат пандемиядан, балки «Салли» тўфонидан ҳам зарар кўрган. Эсмонднинг сўзларига кўра, шаҳардаги кўплаб томлар ҳамон брезент билан қопланган. Бу ҳам етмаганидек сентябрда барча Галф-Бризни Пенсакола шаҳри билан бирлаштириб турувчи кўприкка зарар етказган.
Барча ҳолатлар инобатга олинган ҳолда шаҳар аҳолисига сув, газ ва каназилация тўловларини 60 кундан кечиктирмасдан тўлагунларига қадар ўчирмасликка ваъда берган. Бироқ кўпчилик ҳатто 100 долларни ҳам тўлай олмаган — шу сабабли Эсмонд ёрдамга етиб келган.
2020 йил қурилиш ва бассейнларни таъмирлаш билан шуғулланадиган бизнесменга, аксинча, омадли келган. Шу қадар омадли келганидан у бундан «ҳатто уялган».
Бироқ қачонлардир Эсмонднинг ишлари яхши бўлмаган: 1980 йилларда унинг ўзи коммунал хизматлардан қарздор бўлиб қолган ва газини ўчириб кетишган. Эркак уч нафар қизи билан совуқда қолган. «Ҳисобларни тўлай олмаслик қандай бўлишини тушунаман, чунки ўзим ҳам шунақа ҳолатга тушганман. Умид қиламанки, одамлар Рождество арафасида бироз бўлса-да стрессга тушмаслигига ёрдам бердим», — дейди Эсмонд.
Эсмонд ўз шаҳрининг аҳолисига биринчи маротаба ёрдам бермаяпти: 2019 йилда у 36 оиланинг 4600 доллар миқдоридаги ҳисобини тўлаб берган.
Изоҳ (0)