«InfinBANK»нинг биринчи рақамли офиси 24/7 режимида сиз билан

Банк хизматларидан исталган кун ва соатда фойдаланиш – соҳанинг муваффақиятли ривожи, саводхонлик даражасининг ўсиши ва аҳоли фаровонлигининг белгисидир. Пойтахтнинг энг кўп аҳоли яшайдиган туманларидан бирида, ҳашаматли турар жой мажмуасининг биринчи қаватида АТБ «InfinBANK» қошида ташкил этилган Банк хизматларининг инновацион маркази ўз эшикларини мижозларимизга очди.

Марказ – бу махсус тарзда жиҳозланган маскан бўлиб, унда мижозлар 24/7 форматида кенг турдаги банк хизматларидан фойдаланишлари мумкин. Бугуноқ мазкур марказнинг кун давомидаги фаолиятига оид афзалликлардан фойдаланиш мумкин: банк бўлимининг иш тартибига боғланиб қолманг, ўзингиз учун қулай форматни: ўз-ўзига хизмат кўрсатиш тартибини ёки ходим кўмагини танланг.

Банк филиали учун махсус ҳисобланган ўз-ўзига хизмат кўрсатиш форматида қуйидагиларни амалга ошириш мумкин:

• Миллий ва хориж валюталаридаги операциялар: нақд пул ечиш ва UzCard, Humo карталарини Cash in Cash out банкоматлари орқали тўлдириш; конверсион операциялар;
• «InfinBANK» иловасининг веб-версиясида кўзда тутилган барча функциялардан БХМда ўрнатилган планшетлардан фойдаланиш: кредит олиш, омонатларни очиш ва бошқариш, пул ўтказиш, коммунал тўловларни тўлаш;
• Пластик карта ва нақд пул билан банк инфокиосклари орқали хизмат турларига тўловни амалга ошириш;
• Марказда ўрнатилган ноутбуклар (Интернет банк) ёрдамида юридик шахсларга мўлжалланган ҳисоб варақаларга доир операцияларни бажариш.

Агар сизга қуйидаги хизмат турлари зарур бўлса, ходимимизга мурожаат қилинг:

• Кредит карталари учун аризаларни расмийлаштириш;
• Мобил иловани ўрнатиш бўйича маслаҳат ва ёрдам олиш;
• Сўм ёки валютали банк картасини, кредит карталарини чиқариш;
• Яндекс ҳамёнлари идентификациясини ўтказиш;
• Юридик шахслар учун маслаҳат олиш, ҳисоб варақалар очиш учун керакли ҳужжатларни йиғиш, мижозларга савдо терминалини тақдим этиш ва келгусида тўлиқ хизмат кўрсатиш.

Марказ фаолияти шундай йўлга қўйилганки, унда барча банк операциялари осон, узоқ кутишларсиз амалга оширилади: масалан, миллий валютадаги картани мижоз 15 дақиқада олиши мумкин. Нақд пул билан билан боғлиқ операцияларда бирор хатолик юз бериши имконсиз, чунки «Novza» БХМда барча жараёнлар автоматлаштирилган.

АТБ «InfinBANK»нинг биринчи банк хизматларини қўрсатиш инновацион маркази қуйидаги манзилда жойлашган: Тошкент шаҳри, Чилонзор тумани, Муқимий кўчаси, 20Б уй.

Реклама ҳуқуқи асосида.