Bank xizmatlaridan istalgan kun va soatda foydalanish – sohaning muvaffaqiyatli rivoji, savodxonlik darajasining o‘sishi va aholi farovonligining belgisidir. Poytaxtning eng ko‘p aholi yashaydigan tumanlaridan birida, hashamatli turar joy majmuasining birinchi qavatida ATB “InfinBANK” qoshida tashkil etilgan Bank xizmatlarining innovatsion markazi o‘z eshiklarini mijozlarimizga ochdi.
Markaz – bu maxsus tarzda jihozlangan maskan bo‘lib, unda mijozlar 24/7 formatida keng turdagi bank xizmatlaridan foydalanishlari mumkin. Bugunoq mazkur markazning kun davomidagi faoliyatiga oid afzalliklardan foydalanish mumkin: bank bo‘limining ish tartibiga bog‘lanib qolmang, o‘zingiz uchun qulay formatni: o‘z-o‘ziga xizmat ko‘rsatish tartibini yoki xodim ko‘magini tanlang.
Bank filiali uchun maxsus hisoblangan o‘z-o‘ziga xizmat ko‘rsatish formatida quyidagilarni amalga oshirish mumkin:
- Milliy va xorij valyutalaridagi operatsiyalar: naqd pul yechish va UzCard, Humo kartalarini Cash in\ Cash out bankomatlari orqali to‘ldirish; konversion operatsiyalar;
- “InfinBANK” ilovasining veb-versiyasida ko‘zda tutilgan barcha funksiyalardan BXMda o‘rnatilgan planshetlardan foydalanish: kredit olish, omonatlarni ochish va boshqarish, pul o‘tkazish, kommunal to‘lovlarni to‘lash;
- Plastik karta va naqd pul bilan bank infokiosklari orqali xizmat turlariga to‘lovni amalga oshirish;
- Markazda o‘rnatilgan noutbuklar (Internet bank) yordamida yuridik shaxslarga mo‘ljallangan hisob varaqalarga doir operatsiyalarni bajarish.
Agar sizga quyidagi xizmat turlari zarur bo‘lsa, xodimimizga murojaat qiling:
- Kredit kartalari uchun arizalarni rasmiylashtirish;
- Mobil ilovani o‘rnatish bo‘yicha maslahat va yordam olish;
- So‘m yoki valyutali bank kartasini, kredit kartalarini chiqarish;
- Yandeks hamyonlari identifikatsiyasini o‘tkazish;
- Yuridik shaxslar uchun maslahat olish, hisob varaqalar ochish uchun kerakli hujjatlarni yig‘ish, mijozlarga savdo terminalini taqdim etish va kelgusida to‘liq xizmat ko‘rsatish.
Markaz faoliyati shunday yo‘lga qo‘yilganki, unda barcha bank operatsiyalari oson, uzoq kutishlarsiz amalga oshiriladi: masalan, milliy valyutadagi kartani mijoz 15 daqiqada olishi mumkin. Naqd pul bilan bilan bog‘liq operatsiyalarda biror xatolik yuz berishi imkonsiz, chunki “Novza” BXMda barcha jarayonlar avtomatlashtirilgan.
ATB “InfinBANK”ning birinchi bank xizmatlarini qo‘rsatish innovatsion markazi quyidagi manzilda joylashgan: Toshkent shahri, Chilonzor tumani, Muqimiy ko‘chasi, 20B uy.
Reklama huquqi asosida.
Izoh (0)