Zambiyada Gertruda Ngoma ismli ayol yigiti birgalikda oila qurish taklifini bildirmayotgani sabab uni sudga berdi, deb yozadi Tuko.
Ta’kidlanishicha, 26 yoshli ayol Gerbert Salaliki bilan sakkiz yildan buyon tanish. Uning so‘zlariga ko‘ra, yigit bir necha bor to‘y qilishga va’da bergan, biroq hamon oila qurish taklifini bildirmay kelmoqda.
Shu bilan birga, ayol Salalikidan bo‘lgan farzandi bilan ota-onasini uyida yashab kelmoqda.
“U munosabatlarimizga hech qachon jiddiy qaramagan, shu sababli uni sudga olib keldim. Munosabatlarimiz kelajagini va endilikda nima qilishim kerakligini bilishga haqliman”, — deydi Gertruda sevgilisini xiyonatda gumonlab.
Salaliki sudga uylanish uchun puli yo‘qligini ma’lum qilgan. Shuningdek, u Ngomani o‘ziga yetarlicha vaqt ajratmaslikda ayblagan. Sudya ikki yoshga yarashib olishni va mustaqil ravishda kelishmovchilikni hal etishni maslahat bergan.
Izoh (0)