Jasur Yaxshiboyev “Energetik-BGU”ning mavsumdagi eng yaxshi o‘yinchisi deb topildi

Soligorskning “Shaxtyor” klubi hujumchisi Jasur Yaxshiboyev “Energetik-BGU”ning 2020-yilgi mavsumdagi eng yaxshi o‘yinchisi deb topildi.

Jasur so‘rovnomada 22 foiz ovoz to‘plagan holda birinchilikni qo‘lga kiritdi.

Shuningdek, o‘zbekistonlik futbolchi yana ikki nominatsiyada tengsiz bo‘ldi. Yaxshiboyev “Energetik-BGU”ning mavsumdagi eng yaxshi legioneri (46%) va eng yaxshi hujumchisi (50%) sifatida ham e’tirof etildi.

Eslatib o‘tamiz, Jasur minskliklar safida bir davra harakat qildi va shundan keyin “Shaxtyor” safiga yo‘l oldi. U “talabalar” safida Belarus chempionatida 14 o‘yin o‘tkazib, 9 gol va uchta golli uzatma amalga oshirdi.

Yaxshiboyev “Shaxtyor” bilan 2020-yilgi mavsum chempionligini qo‘lga kiritdi.

Mavzuga doir: Yuqori moliyaviy talablar, katta o‘yinlarda “yo‘qolib” qolish va voz kechilgan oltin medal. Jasur Yaxshiboyevning Belarusdagi sarguzashtlari