АҚШда коронавирус инфекциясининг кунлик ўсишида навбатдаги антирекорд кўрсаткич қайд этилди. Мамлакатда 5 декабрь, шанба куни 227 мингдан ортиқ янги ҳолат қайд этилди, дея хабар бермоқда «РИА Новости».
Қайд этилишича, сўнгги 24 соат ичида АҚШда 227 885 та янги ҳолат қайд этилган. 2607 нафар бемор касаллик асоратлари оқибатида вафот этган.
Жонс Ҳопкинс университети маълумотларига кўра, АҚШда пандемия бошланганидан бери 14,3 миллиондан ортиқ коронавирус билан касалланиш ҳолати қайд этилган. Шу вақт мобайнида 279 мингдан ортиқ одам вафот этган, 5,4 миллиондан ортиқ одам эса касалликдан фориғ бўлган.
Эслатиб ўтамиз, АҚШ дунёда коронавирус қайд этилиши бўйича биринчи ўринда турибди. Рўйхатда ундан сўнг Ҳиндистон (9,6 миллион) ва Бразилия (6,5 миллион) бормоқда.
Аввалроқ коронавирусга қарши вакцина яратган BioNTech компанияси раҳбари дунёдаги энг бой 500 одам қаторига киргани ҳамда Жо Байден жамоатчилик олдида коронавирусга қарши эмланишга ваъда бергани хабар қилинганди.
Изоҳ (0)