Кўпчилик аёллар киприкларни мукаммал тарзда узайтирувчи тушлардан фойдаланишни камайтирмоқда. Айниқса, уларнинг киприклари сийрак ва узун бўлмаса, сунъий киприк улаш имкониятидан фойдаланишни афзал деб билади. Қуйида эса жараён билан боғлиқ ижобий ва салбий ҳолатлар билан танишиш мумкин.
Фото: Cosmopolitan
Киприк турлари ва уларнинг жойлашуви
Фото: Cosmopolitan
Сунъий киприклар микрофибер, инсон сочлари, синтетик материал ва полимерлардан тайёрланиши мумкин. Уларнинг узунлиги эса 6-17 миллиметрни ташкил этади. Стандарт ранглар қора ва жигарранг бўлишига қарамай, ҳар қандай рангдаги киприкларни буюртма қилиш мумкин. Мутахассислар иложи борича табиий кўринишни сақлаб қолиш учун турли узунликдаги киприклардан фойдаланади. Одатда қисқароқлари пастки қовоқ ва кўзнинг ички бурчагида, узунлари эса ташқи қисмдан жой олади. Агар кўзлар қисиқ бўлса, уларни каттароқ кўрсатиш мақсадида марказ қисмга узун киприклар уланади. Думалоқ кўзларда эса иккала қовоқ узун киприклар билан ҳошияланади ва жуда чиройли кўринишни ҳосил қилади.
Кимлар учун улама киприк мумкин эмас?
Фото: Cosmopolitan
Киприкларни улашда толалар қовоққа эмас, табиий киприк толаларига ёпиштирилиши барчага маълум. Шунга кўра, киприклар жуда нозик ва мўрт бўлса, улама киприк яхши танлов эмас. Бу каби ҳолларда шунчаки яхлит ёпиштириб қўйиладиган киприк тавсия этилади. Сабаби киприк эктириш жараёнида нимжон табиий киприклар сунъийларини узоқ вақт ушлаб туришга дош беролмайди. Киприкларни толалаб улаш учун табиий киприклар зич ва қалин бўлиши жуда муҳим.
Улама киприкдан кейинги тақиқлар
Фото: Cosmopolitan
Улама киприк эгаси бир қанча тақиқларга амал қилиши керак. Жараёндан 24 соат ўтгач, киприкларга умуман тегмаслик зарур. Шунингдек, юз қисми билан ухлаш, туш суриш ва таркибида ёғ бўлган ҳар қандай косметик воситадан воз кечиш керак. Бундан ташқари, киприкларни тараш мумкин эмас, улар фақат совуқ сувда ювилади ва иссиқда кўп вақт қолиб кетмасликни талаб этади.
Салбий жиҳатлари
Ягона хавф – табиий киприкларнинг тўкилиб кетишидир. Бундай ҳолда улама киприкдан воз кечиб, қайта тикловчи муолажалардан фойдаланиш керак. 99 фоиз ҳолатларда киприклар қайта ўсиб чиқади. Фақат бунинг учун узоқ вақт кутишга тўғри келади.
