Ulama kipriklardan voz kecholmaydigan Gollivud yulduzlari (foto)

Yasama kiprikdan foydalanish go‘yoki pardoz qilishning ajralmas qismiga aylanib qoldi. Albatta, tim qora va quyuq kipriklar barcha ayolga yarashadi. Shuningdek, yasama kipriklar qanday tushdan foydalansam ekan, degan savolning paydo bo‘lishiga yo‘l qo‘ymaydi. Eng muhimi, ular juda uzun va ko‘zga tashlanuvchan bo‘lmasa, hech kim uning sun’iyligini sezmaydi.

Gollivud yulduzlari ham ulama kiprikdan unumli foydalanadi, hatto undan voz kecholmaydi. Ularning aksariyatida kipriklarning ulama ekanligi yaqqol sezilib tursa, ayrimlarida buning aksi.

Megan Foks

Aktrisa Megan Foks ko‘ziga ajoyib tarzda urg‘u beradi. U foydalanadigan kiprik tabiiy ko‘rinishda bo‘lib, ko‘zining sirtqi burchaklari ham chiroyli shaklga kirgan.

Kim Kardashyan

Kim Kardashyanni ulama kipriklarsiz ko‘rish ko‘chada filni uchratib qolish bilan barobar. Yulduz yorqin pardozni yanada boyituvchi uzun kipriklarni yaxshi ko‘radi. Aytgancha, Kardashyan ayrim kam sonli qizlar kabi pastki kipriklarni ham ulatgan.

Kayli Jenner

Go‘zal qizaloq Kayli Jenner tashqi ko‘rinishida tajriba qilib ko‘rishni yaxshi ko‘radi. Gohida sochini tubdan boshqa rangga bo‘yaydi, dangasalik qilsa, parik kiyadi. Shuningdek, burun shaklini o‘zgartiradi yoki labini shishiradi. Kaylining o‘ziga xosligi ham shunda, u shunchaki uzun kipriklarni yaxshi ko‘radi va muntazam ravishda undan foydalanadi.

Kristina Agilera

Kristina ham sun’iy kipriklarning muxlisidir. Xonanda behuda narsalarga vaqt sarflamaydi, Merilin Monro obraziga mos tushadigan qalin va uzun kipriklardan foydalanadi.

Jennifer Lopes

Jey Lo ulama kiprik go‘zalligidan bahramand bo‘lgan birinchi mashhur yulduzlardan. U ko‘proq ustki kipriklarga e’tibor qaratadi va pastki kipriklarga tush bilan ishlov beradi.

Yeva Longoriya

Aktrisa Yeva uzun va quyuq kipriklarni yaxshi ko‘radi, asosan, ko‘zga urg‘u beradi. U pardozda ham nafis, tabiiy ko‘rinishga harakat qiladi. Aks holda uning obrazi juda hashamdor ko‘rinar edi.