Футбол бўйича Европа Чемпионлар Лигасининг 4-туридан ўрин олган E гуруҳидаги ўйинлар 25 ноябрь, сешанба куни бўлиб ўтди.
Фото: Twitter
«Челси» сафарда «Ренн»га қарши баҳс олиб борди. Учрашувнинг 22-дақиқасида Каллум Ҳадсон-Одои лондонликларни олдинга олиб чиқди. Шундан кейин ташаббус мезбонлар томонига ўтди.
Иккинчи бўлимда французлар ҳужумларда фаолроқ бўлди. Қатор вазиятлар 85-дақиқага келиб ўз самарасини берди: Серу Гирасси бурчакдан узатиб берилган тўпни дарвозага жойлаб қўйди. Бироқ лондонликлар ҳакам томонидан қўшиб берилган вақтда ғалабани илиб кетишга муваффақ бўлди. Тезкор ҳужумдан кейин Оливье Жиру боши билан дарвозани аниқ нишонга олди.
Гуруҳнинг иккинчи ўйини «Краснодар» ва «Севилья» ўртасида кечди. Испанлар 4-дақиқадаёқ Иван Ракитичнинг голидан кейин олдинга ўтиб олди. Бунга майдон эгалари 56-дақиқада Вандерсоннинг голи билан жавоб қайтарди. Барчаси дуранг томон кетаётган бир вақтда Мунир ал-Ҳаддоди ҳакам томонидан қўшиб берилган вақтнинг сўнгги дақиқасида ғалаба тўпини киритди.
Шу тариқа гуруҳдаги вазият қуйидаги кўринишни олди:
- 1. «Челси» (10 очко)
- 2. «Севилья» (10)
- 3. «Краснодар» (1)
- 4. «Ренн» (1).
«Челси» ва «Севилья» муддатидан аввал плей-офф масаласини ҳал қилган бўлса, қолган икки жамоа Европа Лигаси йўлланмаси учун кураш олиб боради.
Чемпионлар Лигаси
4-тур баҳслари
24 ноябрь, сешанба
«Краснодар» Россия — «Севилья» Испания 1:2
Голлар: 0:1 – 4 Ракитич, 1:1 – 56 Вандерсон, 1:2 – 90+5 Мунир.
«Краснодар»: Городов, Мартинович, Рамирес, Смолников, Панталеао, Газинский, Кабелла (Уткин, 85), Олссон (Вилена, 67), Классон (Чернов, 84), Сулейманов (Вандерсон, 46), Берг (Ари, 67).
«Севилья»: Вацлик, Кунде, Диего Карлос, Эскудеро (Рекик, 61), Оскар Родригес (Жордан, 53), Гудел, Ракитич (Оливер Торрес, 61), Фернандо, Окампос (Идрисси, 72), де Йонг (ан-Несири, 72), Мунир.
Огоҳлантиришлар: Сулейманов (18), Жордан (58).
«Ренн» Франция — «Челси» Англия 1:2
Голлар: 0:1 – 22 Ҳадсон-Одои, 1:1 – 85 Гирасси, 1:2 – 90+1 Жиру.
«Ренн»: Гомис, Траоре, Да Сильва, Трюффер (Мауасса, 86), Нямси, Нзонзи, Камавинга (Гренье, 78), Леа Силики (Дель Кастийо, 63), Бурижо, Доку (Гбоо, 86), Гирасси (Ньянг, 86).
«Челси»: Менди, Тиаго Сильва, Аспиликуэта, Чилуэлл, Зума, Жоржиньо, Маунт (Канте, 68), Ковачич (Ҳаверц, 76), Ҳадсон-Одои (Зиёш, 75), Вернер (Жеймс, 90), Абраҳам (Жиру, 69).
Огоҳлантиришлар: Гренье (87), Бурижо (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
