Вадим Абрамов Ўзбекистон терма жамоасининг асосий камчилиги нимада эканини айтди

Ўзбекистон терма жамоаси ва «Бунёдкор» клуби бош мураббийи Вадим Абрамов терма жамоанинг асосий муаммоси ҳақида гапирди.

Ҳа, кўпинча гол ўтказиб юборамиз. Бунга сабаб қилиб ҳимоячиларнинг бирга бир вазиятда ўйнай олмаслигини кўрсатиш мумкин. Муаммо болалар футболидаги мураббийларга бориб тақалади. Афсуски, улар болаларни бирга бир ўйнашга ўргатмайди. Бизда болалар футболида ҳам битта ҳужумчи билан ўйналади ва унга қарши тўртта ҳимоячи ўйнайди. Шу сабаб улар сифат эмас, сон эвазига ҳимояланади. Бирга бир вазиятда ўйнашни ўрганмагани катталар футболида ҳам ўз таъсирини кўрсатади.

«Бунёдкор»да шундай салоҳиятга эга футболчи борми? Албатта, менимча, Ислом Қобилов сўнгги вақтларда бу борада ўсишга эришди. Клубга келган вақтим ҳимоячиларни синовдан ўтказдим. Шундай машқ бор, ҳужумчи ва ҳимоячи бирга бир вазиятда беллашади. Тўғрисини айтсам, Қобилов тўпни қандай олиб қўйишни билмаслиги мен учун «сюрприз» бўлган. Жуда ҳайрон қолгандим, бу мени шок ҳолатига туширганди. Ахир, у олимпия терма жамоасининг асосий футболчиси эди.

Вадим Абрамов, Ўзбекистон терма жамоаси бош мураббийи

• Вадим Абрамов: «Агар легионер ўйин амалиётига эга бўлмаса, ундан нима фойда?»
• Вадим Абрамов: Ўзбекистон терма жамоаси ЖЧ—2022 саралашининг кейинги босқичига чиқса, «Бунёдкор»ни тарк этаман
• Вадим Абрамов: «Мен мураббийман, агент эмас. Мураббийлар олди-сотди билан шуғулланмайди»
• Вадим Абрамов Ўзбекистон терма жамоасидаги алмаштириб бўлмас футболчи кимлигини айтди