Педагог ва тилшунос, талабалар учун мўлжалланган инглиз тили дарслиги муаллифи Наталья Бонк 96 ёшида Москвада оламдан ўтди. Бу ҳақда Горкий номидаги Адабиёт институти сайтига таяниб, «РБК» хабар берди.
Бонк 21 ноябрь куни вафот этган.
«Наталья Александровна 1993 йилдан буён институтимизда ишлаган ягона, бетакрок ва ажойиб педагог эди. У ўзининг дасрлиги бўйича олиб борилган инглиз тили курсларини бошқарарди. Уни таниган барча қуёш каби порлаган табассуми, ҳазил ҳисси ва барчага сахийлигини унутмайди: у доим ўз билимлари, ҳаётий тажрибаси билан бўлишишга, оғир дамларда ёрдамга келишга тайёр эди», — дейилади ОТМ матбуот хизмати хабарида.
Бонк 1924 йилнинг 2 июлида Москвада опера куйчиси ва лак-бўёқ материаллар заводи директорининг оиласида туғилган. 1945 йилда Хорижий тиллар педагогика институтини тамомлаган. Турли вақтларда СССР ТИВ курслари, Россия Ташқи савдо академиясида инглиз тилидан дарс берган.
Бонк инглиз тилини ўргатиш методикаси бўйича қатор дарсликлар муаллифи ҳисобланади. Айниқса, унинг Г.А. Котий ва Н.А. Лукянова билан ҳаммуаллифликдаги китоби машҳурликка эришган. Бундан ташқари, у қизи Ирина Бонк билан бирга (1951—2005 йиллар) бошқа бир дарсликни — «Инглиз тили қадамба қадам» китобини ёзган ва у ҳам машҳурликка эришган.
Изоҳ (0)