Италиялик олимлар яқинда топилган Исонинг тасвири эскизлари Леонардо да Винчи қаламига мансуб эканлигини таъкидламоқда. Бу ҳақда тегишли тадқиқотда иштирок этган санъатшунос Аннализа ди Марияга таяниб, The Daily Telegraph газетаси хабар берди.
Фото: news.artnet.com
Коронавирус пандемиясининг иккинчи тўлқини босилгач, олимлар Флоренцияда матбуот-анжумани ўтказиб, ўз ишларининг якуни бўйича ҳисобот бериш ниятида.
Олиманинг таъкидлашича, Леонардо да Винчи томонидан қизил бўрда чизилган сурат узоқ вақт хусусий коллекционерлардан бирида сақланган. Кейинроқ уни Италия шимолидаги Лекко шаҳрида яшовчи коллекционер сотиб олган.
Қоғознинг лаборатория таҳлили сурат XVI асрга тегишли эканлигини кўрсатган. Ди Мариянинг сўзларига кўра, Исо бошининг тўртдан уч қисмини бурилгани ва суратнинг аниқ динамизми, ҳаракат ҳисси ва қизил бўрдан фойдаланиш — буларнинг барчаси да Винчининг ишларига хос.
Шунингдек, экспертнинг фикрича, Исонинг тасвирида да Винчининг автопортретларига ўхшашлик мавжуд.
Эслатиб ўтамиз, 2016 йилда Францияда Леонардо да Винчининг қиймати 15 миллион долларлик ҳақиқий картинаси топилганди.
