Германия терма жамоаси расмий ўйинлардаги энг йирик мағлубиятни қабул қилиб олди

Германия терма жамоаси Миллатлар Лигаси доирасида Испанияга мағлуб бўлди (0:6).

Бу немис жамоаси тарихидаги расмий ўйинларда қайд этилган энг йирик мағлубият бўлди. Бунга қадар энг йирик мағлубият ЖЧ—1954 доирасида Венгрияга қарши ўйинда (3:8) қайд этилганди.

Таъкидлаш жоиз, Германия терма жамоасининг тарихдаги энг йирик мағлубияти Англияга қарши ўртоқлик ўйинида қайд этилган бўлиб, учрашув 0:9 ҳисоби билан тугаган.

Германия ушбу мағлубиятдан кейин 9 очко билан А4 гуруҳида 2-ўринни эгаллади ва ярим финал йўлланмасидан қуруқ қолди.