Германия терма жамоаси Миллатлар Лигаси доирасида кечган баҳсда Испанияга 0:6 ҳисобида мағлуб бўлди.
Германия дарвозасини бу ўйинда «Бавария» посбони Мануэль Нойер қўриқлади.
Шу тариқа Нойер профессионал фаолияти давомида илк бор бир ўйинда (клуб ва терма жамоа миқёсида) олтита гол ўтказиб юборди.
Нойер Германия терма жамоасида 2009 йилдан буён тўп суриб келади. Клублардаги фаолиятида эса асосий жамоа таркибида эса 2006 йилдан бери ўйнайди.
Эслатиб ўтамиз, испанлардан учралган бу мағлубият Германия терма жамоасининг расмий ўйинлардаги энг йирик мағлубияти бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)