«Москва кўз ёшларга ишонмайди» фильми қаҳрамонлари 40 йил ичида қай даражада ўзгарди? (фото)

1981 йилда Владимир Меньшовнинг «Москва кўз ёшларга ишонмайди» фильми «Чет тилидаги энг яхши фильм» сифатида «Оскар» мукофотига сазовор бўлган. Ажабланарлиси шундаки, фильмдаги актёрларнинг аксариятига картина унчалик ҳам ютуқ келтирмаган. Cosmopolitan орадан ўтган 40 йил мобайнида актёрларнинг қай даражада ўзгарганлигини суратлар орқали маълум қилди.

Вера Алентова

Фильм режиссёри Владимир Меньшов ва актриса Вера Алентова ўқишда ўқиб юрган кезлари бир-бирига кўнгил қўйган. Улар иккинчи курс талабаси бўлган вақтида оила қурган, аммо ҳаёт тарзи доим ҳам бир хил кечавермаган. Улар ҳатто алоҳида яшаб ҳам кўрган, лекин Юлия исмли фарзанди туфайли яна бир оила бўлишга қарор қилган. «Москва кўз ёшларга ишонмайди» фильми суратга олинганда бўлажак телебошловчи Юлия Меньшова 10 ёшда бўлган.

Қизиғи, режиссёр ўз рафиқасини дарҳол фильмдаги роль учун тасдиқламаган. Меньшов дастлаб умуман бошқа актрисаларни таклиф қилган, аммо улардан рад жавоби олгач, Алентованинг ижросига розилик берган.

Ирина Муравьёва

Ирина 30 ёшида фильмда 18 яшар қизнинг ролини ижро этган. Орадан икки йил ўтиб, у бошқа картиналарда 17 ёш қизни ҳам гавдалантирган. Аммо Вера ҳамкасбидан анча устун келди. Сабаби у фильмда рол ижро этаётган вақтда 36 ёшда эди. 2014 йил Ирина билан 40 йилдан буён оила бўлиб яшаб келаётган режиссёр Леонид Эйдлин вафот этган.

Раиса Рязанова

Фильм муваффақиятли бўлганига қарамай, актрисанинг карьерасида ҳеч қандай ўсиш бўлмади. Ўтган асрнинг 80 йилларида унга фақатгина эпизод роллардан таклифлар тушган. Актриса ҳозирда Олег Табаков театрида ишлайди ва сериалларда роль ижро этади.

Алексей Баталов

2017 йил июнь ойида актёр 89 ёшда вафот этди. Алексейнинг соғлиғи билан боғлиқ муаммолар ўша йилнинг январь ойида бўкса суягини синишидан бошланган. Февраль ойида актёр операция қилинган, аммо аҳволи яхшиланмаган. У деярли 6 ой шифохонадан чиқмаган.

Александр Фатюшин

Фатюшин қаҳрамонидан фарқли ўлароқ болалигидан футболни яхши кўрар эди. Фатюшин 2003 йил 52 ёшида пневмониядан вафот этган.

Борис Сморчков

«Москва кўз ёшларга ишонмайди» фильмидаги Николайнинг роли актёрнинг энг йирик ижроларидан бири бўлган. У умрининг охиригача роль ўйнади, аммо уларнинг барчаси иккинчи даражали эди.

Наталья Вавилова

Фильм суратга олинганидан сўнг актриса юлдузга айланган. Натальянинг ота-онаси унинг фильмида иштирок этишига қарши бўлган ва қизини дипломатик сулоланинг давомчиси сифатида кўрган. Қиз ўз қаҳрамонининг ролини ота-онасидан яширинича ўрганган ва улар буни сезиб, уни уйдан чиқармай қўган. Режиссёрнинг илтимоси ҳам ота-онани кўнглини юмшата олмаган. Фақатгина Алексей Баталов оиланинг фикрини ўзгартиришга муваффақ бўлган, сабаби қизнинг онаси актёрнинг ашаддий мухлиси бўлган.

Юрий Васильев

Актёр умрининг охиригача Малий театрида ишлади ва асосан киноларда ёрдамчи ролларда ўйнади. У 59 ёшида юрак хуружидан вафот этган.