1981-yilda Vladimir Menshovning “Moskva ko‘z yoshlarga ishonmaydi” filmi “Chet tilidagi eng yaxshi film” sifatida “Oskar” mukofotiga sazovor bo‘lgan. Ajablanarlisi shundaki, filmdagi aktyorlarning aksariyatiga kartina unchalik ham yutuq keltirmagan. Cosmopolitan oradan o‘tgan 40 yil mobaynida aktyorlarning qay darajada o‘zgarganligini suratlar orqali ma’lum qildi.
Vera Alentova
Film rejissori Vladimir Menshov va aktrisa Vera Alentova o‘qishda o‘qib yurgan kezlari bir-biriga ko‘ngil qo‘ygan. Ular ikkinchi kurs talabasi bo‘lgan vaqtida oila qurgan, ammo hayot tarzi doim ham bir xil kechavermagan. Ular hatto alohida yashab ham ko‘rgan, lekin Yuliya ismli farzandi tufayli yana bir oila bo‘lishga qaror qilgan. “Moskva ko‘z yoshlarga ishonmaydi” filmi suratga olinganda bo‘lajak teleboshlovchi Yuliya Menshova 10 yoshda bo‘lgan.
Qizig‘i, rejissor o‘z rafiqasini darhol filmdagi rol uchun tasdiqlamagan. Menshov dastlab umuman boshqa aktrisalarni taklif qilgan, ammo ulardan rad javobi olgach, Alentovaning ijrosiga rozilik bergan.
Irina Muravyova
Irina 30 yoshida filmda 18 yashar qizning rolini ijro etgan. Oradan ikki yil o‘tib, u boshqa kartinalarda 17 yosh qizni ham gavdalantirgan. Ammo Vera hamkasbidan ancha ustun keldi. Sababi u filmda rol ijro etayotgan vaqtda 36 yoshda edi. 2014-yil Irina bilan 40 yildan buyon oila bo‘lib yashab kelayotgan rejissor Leonid Eydlin vafot etgan.
Raisa Ryazanova
Film muvaffaqiyatli bo‘lganiga qaramay, aktrisaning karyerasida hech qanday o‘sish bo‘lmadi. O‘tgan asrning 80-yillarida unga faqatgina epizod rollardan takliflar tushgan. Aktrisa hozirda Oleg Tabakov teatrida ishlaydi va seriallarda rol ijro etadi.
Aleksey Batalov
2017-yil iyun oyida aktyor 89 yoshda vafot etdi. Alekseyning sog‘lig‘i bilan bog‘liq muammolar o‘sha yilning yanvar oyida bo‘ksa suyagini sinishidan boshlangan. Fevral oyida aktyor operatsiya qilingan, ammo ahvoli yaxshilanmagan. U deyarli 6 oy shifoxonadan chiqmagan.
Aleksandr Fatyushin
Fatyushin qahramonidan farqli o‘laroq bolaligidan futbolni yaxshi ko‘rar edi. Fatyushin 2003-yil 52 yoshida pnevmoniyadan vafot etgan.
Boris Smorchkov
“Moskva ko‘z yoshlarga ishonmaydi” filmidagi Nikolayning roli aktyorning eng yirik ijrolaridan biri bo‘lgan. U umrining oxirigacha rol o‘ynadi, ammo ularning barchasi ikkinchi darajali edi.
Natalya Vavilova
Film suratga olinganidan so‘ng aktrisa yulduzga aylangan. Natalyaning ota-onasi uning filmida ishtirok etishiga qarshi bo‘lgan va qizini diplomatik sulolaning davomchisi sifatida ko‘rgan. Qiz o‘z qahramonining rolini ota-onasidan yashirinicha o‘rgangan va ular buni sezib, uni uydan chiqarmay qo‘gan. Rejissorning iltimosi ham ota-onani ko‘nglini yumshata olmagan. Faqatgina Aleksey Batalov oilaning fikrini o‘zgartirishga muvaffaq bo‘lgan, sababi qizning onasi aktyorning ashaddiy muxlisi bo‘lgan.
Yuriy Vasilev
Aktyor umrining oxirigacha Maliy teatrida ishladi va asosan kinolarda yordamchi rollarda o‘ynadi. U 59 yoshida yurak xurujidan vafot etgan.
Mavzuga doir:
Izoh (0)