«Реал» Европа Чемпионлар Лигаси 3-тури доирасида «Интер»га қарши кечган баҳсда ғалабага эришди (3:2).
Мадридликларнинг голларидан бирига ҳимоячи Серхио Рамос муаллифлик қилди. Бу 34 ёшли футболчи учун «Реал» сафидаги 100-гол бўлди, уларнинг 55 таси бош билан киритилган.
Шунингдек, Рамос 2003/04 йилги мавсумдан буён Чемпионлар Лигасида 8 марта боши билан дарвозани ишғол қилди — бу ҳимоячилар орасида энг яхши натижа ҳисобланади. Аввалги рекорд «Челси» собиқ ҳимоячиси Жон Террига (7) тегишли эди.
«Реал» 3-турдан кейин 4 очко билан гуруҳда 3-ўринни эгаллаб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)