Ўзбекистонда НТТ ҳамда ОТМларга халқ таълими ходимларининг малакасини ошириш ҳуқуқи берилади

Ахборот ва оммавий коммуникациялар агентлигида таълим-тарбия тизимини янада такомиллаштириш, илм-фан соҳасини ривожлантириш масаласида қабул қилиниши кутилаётган Президент фармони лойиҳаси юзасидан ташкил этилган матбуот анжуманида Ўзбекистонда НТТ ҳамда ОТМларга халқ таълими ходимларининг малакасини ошириш ҳуқуқи берилиши маълум қилинди.

Таъкидланишича, 2021 йил 1 январга қадар:

• қисқа муддатли педагогик курслар ташкил қилинади;
• синф раҳбарларини тайёрлаш бўйича ўқув курслари жорий қилинади.

2021 йил 1 февралга қадар қуйидаги норматив ҳуқуқий ҳужжат ишлаб чиқилади:

• «Педагог ходимларнинг мақоми тўғрисида»ги қонун;
• Қайта тайёрлаш ва малакасини ошириш тизимини тубдан такомиллаштириш;
• Республика таълим маркази фаолиятини такомиллаштириш.

2021 йил 1 майдан бошлаб:

• «Узлуксиз касбий таълим» махсус электрон платформаси ишга туширилади;
• НТТ ҳамда ОТМларга халқ таълими ходимларининг малакасини ошириш ҳуқуқи берилади.

Эслатиб ўтамиз, 2019 йилнинг ноябрида Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан Наманган вилоятидаги Халқ таълими ходимларини қайта тайёрлаш ва уларнинг малакасини ошириш минтақавий маркази ачинарли ҳолатда эканлиги аниқланган эди.