Бугун,

  • USD 11095.31
  • RUB 173.84
  • EUR 10772.44

Йўл-транспорт ҳодисаларининг келиб чиқишига сабаб бўлаётган автомобиль йўлларини таъмирламаслик оқибатида салкам 2 йил ичида 191 нафар фуқаро ҳалок бўлган. Буни Олий Мажлис Сенатининг саккизинчи ялпи мажлисида сенатор Қутбиддин Бурҳонов йўл ҳаракати хавфсизлигини таъминлаш ва соҳага оид қонун ҳужжатларининг ижро этилиши юзасидан Вазирлар Маҳкамасига юборилган парламент сўровида қолдирилган камчиликлар қаторида санаб ўтди.

Жумладан, мутахассислар томонидан ЙТҲларнинг келиб чиқишига сабаб бўлаётган автомобиль йўлларини зарур даражада таъмирлашга эътибор қаратилмагани оқибатида 2019 йилда ва 2020 йилнинг 8 ойи давомида 532 та йўл-транспорт ҳодисаси содир этилиб, уларда 511 нафар фуқаро жароҳатланган ва 191 нафар фуқаро ҳалок бўлгани айтиб ўтилди. Шунингдек, Давлат йўл ҳаракати хавфсизлиги ходимлари томонидан ҳаракат хавфсизлигини таъминлаш, йўл-транспорт ҳодисаларининг олдини олиш, ҳаракат иштирокчиларига қулайликлар яратиш юзасидан маҳаллий ҳокимликлар ҳамда тегишли ташкилот ва идораларга 2017-2020 йиллар давомида жами 6 709 та тақдимнома киритилган бўлса-да, уларнинг 3 173 таси ёки 45 фоизи белгиланган муддатларда кўриб чиқилмагани таъкидланди.

Бу каби камчиликлар Давлат йўл ҳаракати хавфсизлиги ходимлари томонидан киритилаётган тақдимномалар ижросини таъминламаган мутасаддиларга нисбатан таъсирчан чоралар кўришни тақозо этаётгани билдирилди.

Автомобиль йўллар қўмитаси раисининг биринчи ўринбосари Шуҳрат Назаров сенаторларнинг ахборотига жавоб берар экан, тақдимномаларнинг 45 фоизи бажарилмаганлиги бевосита бюджетга боғлиқлиги, тақдимномалардаги чоралар биринчи навбатда ҳаракат хавфсизлиги ва ўлим билан боғлиқ йўл ҳудудларига йўналтирилгани, кейинги йилларда Молия вазирлиги билан бирга халқаро молия ташкилотлари кўмагида бу бўйича ишларни якунланишини таъкидлади.

Эслатиб ўтамиз, август ўрталарида ички ишлар вазири Пўлат Бобожонов Ўзбекистонда 2020 йилнинг ўтган етти ойи давомида содир этилган жиноятларнинг ҳар учтадан биттаси фирибгарлик, ўғирлик ва йўл-транспорт ҳодисаси ҳисобига тўғри келаётгани тўғрисида маълум қилганди.

Изоҳ
Asosiy yangiliklar
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди
Маҳаллий
Хоразмда икки киши ис газидан вафот этди