Футбол бўйича Италия А Сериясининг 2-турида «Рома» 27 сентябрь, якшанба куни «Ювентус» билан баҳс юритди.

Фото: Twitter

Учрашувнинг 31-дақиқасида Жордан Верету пенальтини аниқ бажариб, римликларни олдинга олиб чиқди. 44-дақиқада энди «Рома» дарвозаси томон 11 метрлик жарима зарбаси белгиланди. Уни Криштиану Роналду голга айлантирди.

Биринчи бўлимга ҳакам томонидан қўшиб берилган вақтда Верету жамоасининг тезкор қарши ҳужумини муваффақиятли якунлади.

62-дақиқада туринликлар ярим ҳимоячиси Адриен Рабьо иккинчи сариқ карточкасини олиб майдондан четлатилди. Бироқ бу «Ювентус»нинг гол уришига тўсқинлик қила олмади. 69-дақиқада Роналду қанотдан узатилган тўпга ўз услубида боши билан зарба бериб, мувозанатни тиклади. Қолган вақтда ҳисоб ўзгармади.

«Наполи» ўз уйида «Женоа»ни қабул қилиб йирик ҳисобдаги ғалабани қўлга киритди. Неаполликлар сафида Ирвинг Лосано дубль қайд этган бўлса, Пётр Зелиньски, Дрис Мертенс, Элиф Элмаз ва Маттео Политано бир мартадан ўз ҳисобига гол ёздириб қўйди.

«Милан» эса «Кротоне» майдонидан ғалаба билан қайтди. Биринчи бўлим сўнгида Франк Кессиэ миланликларни олдинга олиб чиқди. Иккинчи бўлим бошида Браҳим Диас «Милан»даги дебют голини уриб, якуний ҳисобни ўрнатди.

А Серия

2-тур баҳслари

27 сентябрь, якшанба

«Рома» — «Ювентус» 2:2

Голлар: 1:0 – 31, пенальти Верету, 1:1 – 44, пенальти Роналду, 2:1 – 45 Верету, 2:2 – 69 Роналду.

«Рома»: Миранте, Спинаццола, Манчини, Кумбула, Сантон (Бруно Перес, 68), Мхитарян, Пеллегрини (Диавара, 72), Педро, Верету, Рожер, Жеко.

«Ювентус»: Шенсни, Бонуччи, Данило, Кьеллини, Маккенни (Артур, 58), Куадрадо, Рабьо, Рэмзи (Бентанкур, 68), Кулусевски (Фработта, 85), Роналду, Мората (Дуглас Коста, 58).

Огоҳлантиришлар: Рабьо (30), Кумбула (36), Пеллегрини (54), Фработта (86).

Четлатиш: Рабьо (62).

«Наполи» — «Женоа» 6:0

Голлар: 1:0 – 10 Лосано, 2:0 – 46 Зелиньски, 3:0 – 57 Мертенс, 4:0 – 65 Лосано, 5:0 – 69 Элмаз, 6:0 – 72 Политано.

«Кротоне» — «Милан» 0:2

Голлар: 0:1 – 45, пенальти Кессиэ, 0:2 – 50 Браҳим Диас.

«Специя» — «Сассуоло» 1:4

Голлар: 0:1 – 12 Журичич, 1:1 – 30 Галабинов, 1:2 – 64, пенальти Берарди, 1:3 – 66 Дефрел, 1:4 – 76 Капуто.

«Верона» — «Удинезе» 1:0

Гол: 1:0 – 57 Фавилли.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!