Футбол бўйича Германия чемпионатининг 2-турида «Бавария» 27 сентябрь, якшанба куни «Ҳоффенҳайм» меҳмони бўлди.
Учрашувнинг 16-дақиқасида Эрмин Бичакчич майдон эгаларининг дастлабки голини урди. 24-дақиқада Моанес Даббур ҳисобни 2:0 кўринишига келтирди.
36-дақиқада Йозуа Киммих ҳисобни қисқартиришга эришди. Иккинчи бўлимни мюнхенликлар фаол бошлади, бироқ бўлим аввалидаги вазиятлар голга айланмади.
77-дақиқада Андрей Крамарич жамоасининг ажойиб комбинациясини гол билан якунлади. Учрашув якунланиши арафасида Крамарич дублини нишонлаб, ҳисобни йирик кўринишга олиб келди.
Шу тариқа «Бавария» мавсумнинг 2-туридаёқ мағлубиятни қабул қилиб олди.
Бундеслига
2-тур баҳси
27 сентябрь, якшанба
«Ҳоффенҳайм» — «Бавария» 4:1
Голлар: 1:0 – 16 Бичакчич, 2:0 – 24 Даббур, 2:1 – 36 Киммих, 3:1 – 77 Крамарич, 4:1 – 90+2 Крамарич.«Ҳоффенҳайм»: Бауманн, Кадержабек, Пош, Бичакчич (Сков, 39), Акпогума, Гайгер (Бебу, 58), Самассеку, Баумгартнер (Гачинович, 59), Фогт, Крамарич, Даббур (Гриллич, 80).
«Бавария»: Нойер, Дэвис, Алаба, Павар (Горетцка, 57), Боатенг, Гнабри, Киммих, Мюллер, Толиссо (Мусиала, 72), Сане (Коман, 73), Зиркзее (Левандовски, 57).
Огоҳлантиришлар: Гайгер (21), Баумгартнер (28), Крамарич (45), Боатенг (90), Нойер (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)