Жанубий Кореянинг Samsung компанияси ўзининг янги смартфони — Galaxy S20 FE’ни тақдим этди. Смартфон флагманларга хос техник жиҳатлари ва дизайни билан Galaxy S20’дан фарқ қилади, бироқ соддалаштирилган ингичка ҳошияли экранга эга, деб хабар беради GSMArena.
Фото: GSMArena
Янги моделга Full HD+ сифатни қўллаб-қувватловчи 6,5 дюймли диагоналга эга Супер AMOLED-экран ўрнатилган. Дисплейдаги тасвирнинг янгиланиш частотаси — 120 герц. Тақдимотда маълум қилинишича, янги S20 FE’га энг кичкина фронтал камералардан бири ўрнатилган — диаметри 3,34 милиметр. Селфи-камера 32 мегапикселли кенг модулга эга бўлган.
Фото: GSMArena
Аппаратда асосий камералар учта: 12 мегапикселли асосий модул, 12 мегапикселли кенг бурчак ва 8 мегапикселли телефотомодул. Камера дастурий таъминоти Galaxy S20 флагман серияларига тегишли.
Фото: GSMArena
Смартон ичига 4G алоқа тармоғини қўллаб-қувватлайдиган Exynos 990 ёки 5G’га эга Snapdragon 865+ процессори, 8 гигабайт тезкор ва 128/256 гигабайт ички хотира ўрнатилади. Қурилма Android 10 операцион тизимида ишлайди. Аккумулятор сиғими 4500 мА/соатга тенг бўлиб, 25 ваттли тезкор ҳамда 15 ваттли симсиз зарядланиш функциясига эга. Бу 0 фоизли батареяни 50 фоизга 30 дақиқада тўлдириш имконини беради.
Фото: GSMArena
Смартфон корпуси IP68 стандарти бўйича ҳимояланган ва олтита ёрқин рангларда тақдим этилган: кўк, қизил, оқ, пушти, ялпизранг ва ёрқин-апелсин рангида.
Фото: GSMArena
Эслатиб ўтамиз, арзонлаштирилган Galaxy S20 FE смартфони тўғрисидаги маълумотлар 2020 йилнинг август ойларида пайдо бўлганди. У Galaxy S20’дан 15-20 фоизга арзороқ нархда сотувга чиқиши керак.
