Бугун,

  • USD 11095.31
  • RUB 173.84
  • EUR 10772.44

Махсус поезд рейслари орқали Россиядан 746 нафар ўзбекистонлик олиб келинди, дея хабар бермоқда Транспорт вазирлиги матбуот хизмати.

Фото: Транспорт вазирлиги матбуот хизмати

Фото: Транспорт вазирлиги матбуот хизмати

Республика махсус комиссияси Ўзбекистон фуқароларини Россия Федерациясининг Шимолий Кавказ ва Жанубий федерал округларидан олиб келиш учун Тошкент–Ростов-Дон–Тошкент темир йўл рейсини ташкил этиш тўғрисида қарор қабул қилган эди.

Россия ва Қозоғистон томони билан келишувга биноан, 19 сентябрь куни «Ўзбекистон темир йўллари» АЖ поезди 746 нафар ўзбекистонлик билан «Лихая» станциясидан Ўзбекистонга жўнаган эди.

Мазкур поезд 22 сентябрь куни Тошкент жанубий вокзалига етиб келган. Ушбу рейс орқали олиб келинган барча фуқаролар автобусларда Тошкент вилоятидаги карантин зоналарига етказилган.

Эслатиб ўтамиз, 16 сентябрь куни Самарадан 938 нафар ўзбекистонлик поездда олиб келинди. 15 сентябрь куни эса Самара ва Екатеринбургдан 2 мингга яқин, 3 сентябрь куни 922 нафар ўзбекистонлик поездда Ўзбекистонга олиб келинганди.

Бунга қадар Россиянинг Шимолий Кавказ ва Жанубий федерал округларидан 927 нафар, Самара вилоятидан 918 нафар ўзбекистонлик поезд орқали мамлакатга олиб келинган. 9 августда Россиядан поездда олиб келинган 918 нафар ўзбекистонлик Намангандаги карантин зонасига жойлаштирилган. Шунингдек, шу куни бошқа бир поезд Самарадан Самарқандга ўзбекистонликларни олиб келган.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди