БААдан Ўзбекистонга мунтазам авиақатновларни амалга ошириш учун «AIR ARABIA Abu-Dabi LLC» рухсатнома олди, дея хабар беради Транспорт вазирлиги.
Қайд этилишича, Ўзбекистон ва Бирлашган Араб Амирликлари ҳукуматлари ўртасида имзоланган ҳаво қатнови тўғрисидаги битим асосида «Ўзавиация» агентлиги томонидан «AIR ARABIA Abu-Dabi LLC» компаниясига Абу-Даби–Тошкент–Абу-Даби йўналишларида мунтазам парвозларни амалга ошириш учун 2020 йил 9 сентябрда 3-К сонли фойдаланиш рухсатномаси берилган.
Авиакомпания мазкур йўналишда Ўзбекистонга парвозларни Airbus-320-214 ҳаво кемаларида амалга оширишини маълум қилди.
Мунтазам парвозлар қачондан бошлаб амалга оширилиши ҳақида маълумот берилмаган.
Аввалроқ Uzbekistan Airways 4 сентябрдан бешта давлат билан мунтазам халқаро авиапарвозларни тиклаши ҳақида хабар берилганди. Унда БААдан ташқари Қозоғистон, Қирғизистон, Туркия ва Германия қайд этилган.
Изоҳ (0)