«Микрокредитбанк» акциядорлик-тижорат банки томонидан Ўзбекистон Республикаси Президентининг ПҚ-4498-сонли қарори бўйича оилавий тадбиркорлик ҳамда қуёнчилик соҳасини такомиллашуви учун бир қатор ишлар амалга оширилиб келинмоқда. Жумладан, жорий йилнинг ўтган даври мобайнида Андижон вилоятида мавжуд қуёнчилик агрофирмалари имкониятлари кўриб чиқилиб, мониторинг қилинди ҳамда кластер усулида фаолият юритиш имкониятига эга бўлган 46 та агрофирма танлаб олинди.
Мазкур хўжаликларга «Микрокредитбанк» томонидан 44,7 млрд сўм кредит ажратилиши белгиланган бўлса, ҳозирда 44,0 млрд сўмлик имтиёзли кредитлар ажратиб берилди.
Шунингдек, вилоятда қуёнлар сонини 1 млн бошга етказиш учун бир қатор ишлар амалга оширилмоқда. Жумладан, биринчи босқичда (июнь—сентябрь) 21 минг боши 2 100 та хонадонга, иккинчи босқичда (сентябрь—декабрь) эса 49 минг бош қуён 4 900 та хонадонга тарқатилиши режалашатирилди.
Бугунги кунга қадар 4 482 та аҳоли хонадонларига 44 826 бош қуён тарқатилди. Шу пайтгача тарқатилган 44 826 бош она қуёнларнинг ҳар бири йил якунига қадар уч марта ўртача олтитадан болалаши инобатга олинса, 806,8 минг бошга етади.
Банк томонидан ажратилган кредит маблағларининг 15,9 млрд сўми ўртача 53,0 минг бош қуёнлар сотиб олиш учун кўчирилган бўлиб, бугунги кунгача аҳоли хонадонларига 44,8 минг бош она қуён тарқатилган. Қолган 8,2 минг бош она қуёнлар тарқатиш чоралари кўрилмоқда.
Қайд этиб ўтиш жоизки, мазкур Андижон филиали томонидан оилавий тадбиркорликни қўллаб-қувватлаш борасида ҳам бир қатор самарали ишлар амалга оширилмоқда. Жумладан, 2020 йилнинг январь—август ойларида оилавий тадбиркорликни ривожлантириш дастурлари доирасида жами 2170 та аҳоли ва тадбиркорлик субъектларига 77,0 млрд сўм имтиёзли кредитлар ажратилди. Шундан 1242 тасига жами 47,4 млрд сўм миқдорида «Ҳар бир оила – тадбиркор» дастури асосида имтиёзли кредитлар ажратилган.
Бу каби лойиҳалар тизимли равишда давом эттирилиб, оилавий тадбиркорлик ҳамда қуёнчилик ривожи йўлида қатор ислоҳотлар амалга оширилади.
Банк ахборот хизмати
Реклама ҳуқуқи асосида.
Изоҳ (0)