«Ювентус»нинг 2019/20 йилги мавсумдаги молиявий фаолияти натижалари маълум бўлди.

Фото: Twitter

АНСА маълумотларига кўра, 2019/20 йилги мавсум якунларига Турин клуби 71,4 миллион евро миқдорида зарар кўрган. Бу ўтган йилги кўрсаткичдан (39,9 миллион евро) 31,5 миллионга кўпдир.

Ташкилотнинг операцион даромади 62,8 миллион еврога камайган ва соф молиявий қарз эса 385,2 миллион еврони ташкил этган.

Қайд этилишича, клуб фаолиятига сезиларли даражада таъсир кўрсатган омиллардан бири коронавирус пандемияси бўлган.

Маълумот учун, «Ювентус» ўтган мавсумда А Серия ғолиблигини қўлга киритди. Чемпионлар Лигасида эса жамоа 1/8 финал босқичига қадар етиб борди.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!