Тожик режиссёри Тохир Собировнинг «Шаҳризоданинг яна бир кечаси», «Шаҳризоданинг янги ҳикоялари», «Шаҳризоданинг сўнгги кечаси» фильмларида бош қаҳрамон ролини ижро қилган актриса Елена Тонунс ҳақида маълумот бериб ўтамиз.
1954 йилда Магаданда денгиз офицерлари оиласида дунёга келган Елена Константиновна Кокалевская болалигида бадиий гимнастика ва балет билан шуғулланган, аниқ фанлар бўйича мусобақаларда бир неча марта фахрли ўринларни олишга муваффақ бўлган.
1976 йилда Москва давлат университетининг геология факультетини тамомлаган. Талабалик йилларидаёқ у актрисалик карьерасини орзу қилган.
1981 йилда Константин Михайловнинг ўқув курсини тамомлаган. «Аёлларни авайланг» фильмидаги роли билан машҳур бўлган актриса бунга қадар эпизодик роллар ижро қилган. Шундан кейин у «Бўрон» фильмида Галя ролини ижро қилган. Аммо ҳақиқий омад «Минг бир кеча» фильмидаги Шаҳризода ижросидан кейин кулиб боққан.
Актриса 10 йил давомида фаол равишда актрисалик фаолиятини давом эттирган, 1990 йилда эса режиссёрлик бўйича таҳсил олишга киришган. Мустақил сценарий ёзиб «Сени ҳеч қаерга қўйиб юбормайман», « Бир куни оқшомда» фильмини қайта суратга олган.
90 йиллар Тонунс учун осон бўлмаган. Унинг фарзанди бўлмаган ва у турмуш ўртоғи билан ажрашган. 2000 йиллар бошида эса телеекранларда такрор кўриниш бера бошлаган.
Унинг ижросидаги «Моҳирлар», «Аёллар консультацияси» ва бошқа сериалларни томоша қилиш мумкин. Мухлислар учун Шаҳризода сифатида маълум бўлган актриса айни вақтда 66 ёшда.
Мавзуга доир:
- Фото: «Тақдир ҳазили ёки қушдек енгил бўлинг» фильми актёрлари 44 йилдан сўнг
- «I операцияси ва Шурикнинг бошқа саргузаштлари» фильми ҳақидаги қизиқарли фактлар
- «Кавказ асираси» фильми юлдузи Наталя Варлей 73 ёшга тўлди (фото)
- «Аловуддиннинг сеҳрли чироғи»даги гўзал малика Будурни ижро этган актрисанинг ҳаёти қандай кечди? (фото)
Изоҳ (0)