«Локомотив» бош мураббийи Андрей Микляев Coca-Cola Суперлига 14-тури доирасида кечган «Андижон»га қарши ўйиндаги ғалабадан (1:0) кейин ўз фикрлари билан ўртоқлашди.
Қимматли уч очкони қўлга киритдик. Бундан жуда хурсандмиз. Ҳозирда ўзгаришлар даври кетмоқда. Таркибимизда ёш йигитлар жуда кўп. Шу боисдан уларнинг ўзларига келиб олиши учун вақт керак. Йигитларга катта раҳмат айтаман, улар охиригача курашди. Ҳатто ўн киши бўлиб қолганда ҳам таслим бўлмади.Ушбу ғалабадан кейин Андрей Микляев шогирдларининг очколарини 15 тага етди, жамоа 10-ўринда бормоқда. Кейинги турда жамоа «Навбаҳор»га қарши ўйнайди.Мавсум бошидан инобатга олсак, 9 нафар футболчи жамоани тарк этди, айримлар ҳорижга йўл олди. Клуб олдимизга таркибни ёшартириш вазифасини қўйди. Биз ҳам ёшларимизга, ўринбосарлар таркибимиздан асосий таркибга футболчиларни жалб қилишга ҳаракат қиляпмиз.
Таркибимизда 6 нафар жароҳатланган футболчилар бор. Шу боисдан уларнинг хизматидан фойдалана олмаяпмиз.
Шу ўринда қўшимча қилиб кетмоқчиман. Андижондаги майдоннинг ҳолати яхши эмасди, шу боисдан жамоа биз, мухлислар кутган футболни намойиш қила олмади. Айтишим мумкинки, айни дамда бу стадион биз ўйнаган энг ёмон стадион. Яқиндагина Андрей Канчельскис танқид қилган ТТЙМИ стадиони билан эса фарқ ер ва осмончалик. Бу стадионда ярим йил ўйин бўлмади. Шу боисдан ўйинда футболчилар майдонга қарши курашди. Ўт ўсиб кетган, ўрилмаган, тўп юрмаяпти. Қум тўкиб қўйилган жой эса чангиб кетмоқда. Бунга қараш оғир. Агарда стадион яхши бўлса, мухлислар ҳам киритилса, бошқача ўйин бўларди.
Андрей Микляев, «Локомотив» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)