Бандлик ва меҳнат муносабатлари вазирининг «Ўзбекистон Республикаси Бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисидаги низомга ўзгартириш ва қўшимчалар киритиш ҳақида»ги буйруғи қабул қилинди. Бу ҳақда Norma хабар қилди.
Буйруқ Президентнинг 2020 йил 18 майдаги «Томорқа ер эгаларини қўллаб-қувватлаш ва аҳоли бандлигини таъминлаш бўйича қўшимча чора-тадбирлар тўғрисида»ги ПҚ-4716-сон ва 2020 йил 26 июндаги «Республикада қўлда тўқилган гиламчилик соҳасини ривожлантириш чора-тадбирлари тўғрисида»ги ПҚ-4759-сон қарорларига мувофиқ тайёрланган.
Қайд этилишича, ҳужжат билан Ўзбекистон Бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисидаги низомга (2019 йил 31 майда 3163-сон билан рўйхатдан ўтказилган) қуйидаги ўзгартириш ва қўшимчалар киритилмоқда:
2-банддан 5 ва 6-хатбошилар чиқариб ташланиб, у қуйидаги мазмундаги 2-1 ва 2-2-бандлар билан тўлдирилмоқда:
2-1. Президентнинг ПҚ-4716-сон қарорига мувофиқ субсидиялар қуйидаги мақсадлар учун ажратилади:
а) Аҳоли бандлигига кўмаклашиш маркази (АБКМ), етказиб берувчи ташкилотлар ва томорқа ер эгалари ўртасида тузилган уч томонлама шартномалар асосида:
- энгил конструкцияли иссиқхоналар ўрнатиш учун – БҲМнинг 30 бараваригача;
- суғориш воситалари харид қилиш учун – БҲМнинг 10 бараваригача;
- уруғликлар ва кўчатлар сотиб олиш учун – БҲМнинг 3 бараваригача;
- қишлоқ хўжалиги кооперативлари балиқчилик, қуёнчилик, паррандачилик, асаларичилик, мева-сабзавотчилик, узумчилик, тикувчилик, ҳунармандчилик ва бошқа илғор соҳаларда ташкил этилади;
- қишлоқ хўжалиги кооперативларига ишсиз фуқаролар, кам таъминланган оилалар аъзолари, ташқи меҳнат миграциясидан қайтиб келган шахслар ҳамда кооператив фаолияти йўналиши бўйича тажрибага эга етакчи тадбиркорлар бирлаштирилади.
36 ва 37-бандлардаги «банд бўлмаган» деган сўзлар «ишсиз, кам таъминланган ва камбағал оилалар аъзоси бўлган» деган сўзлар билан алмаштирилади.
38-банд қуйидаги таҳрирда баён этилади:
Ўрганиш натижасига кўра мурожаат қилган шахс банд бўлмаган ҳолларда унга унинг томорқа ерига мос келадиган енгил конструкцияли иссиқхона ўрнатиш ва (ёки) уруғликлар, кўчатлар ёхуд суғориш воситалари харид қилиниши бўйича АБКМнинг масъул ходими етказиб берувчи ташкилот, АБКМ ва томорқа ер эгаси ўртасида уч томонлама шартнома тузиш чораларини кўради. Бунда томорқа ер эгасининг эҳтиёжидан келиб чиққан ҳолда битта оила учун қуйидаги йўналишлардан бири учун уч томонлама шартнома тузади:
- енгил конструкцияли иссиқхоналар ўрнатиш;
- суғориш воситалари харид қилиш;
- уруғликлар ва кўчатлар сотиб олиш.
Ҳужжат 2020 йил 26 августда кучга кирган.
Мавзуга доир: