Жиззах вилояти Шароф Рашидов тумани «Самарқанд қудуқ» МФЙ яшовчи аёл ўз онасининг жонига қасд қилган. Бу ҳақда «Ҳудуд» информацион дастурида хабар қилинди.
Маълум қилинишича, 2020 йилнинг 23 август куни 1996 йилда туғилган, турмушдан ажрашган аёл 1978 йилда туғилган онасига ўзига тегишли ҳужжатларни беришини ва водий вилоятларидан бирига бориб, Ж.Б. исмли фуқаро билан турмуш қуришини айтганда маст ҳолатда бўлган онасининг жаҳли чиқади.
Шундан сўнг она ва қиз ўртасида жанжал юзага келади. Оқибатда қиз ўз онасининг турли жойларига жаҳл устида ошхона пичоғи билан уриб, тан жароҳати етказади. Натижада она шифокорлар томонидан кўрсатилган тиббий муолажаларга қарамасдан вафот этади.
Қизга нисбатан қандай чора кўрилгани ҳақида хабар берилмаган.
Изоҳ (0)